Espresso Alchemy (已結業)

大部份在WK广场的店舖都系买运动用品的，突然间有间特色咖啡店，我就系比依个环境加佢地个招牌吸引到。Alchemy 意思系炼金术，唔通佢地啲咖啡真系咁出色！麦香松露炒蛋配德国香肠薯仔沙律 - 炒蛋OK，无加奶都算炒得好滑，蛋味够香。个沙律菜配黑陈醋，我觉得好好味，酸味配合得宜，醒胃后可以继续试下样菜。烟肉忌廉意粉 - 味道唔错，意粉挂汁都控制得好好，亦都好够味，但如果酱汁可以再以杰少少、多少少同埋意粉改用幼少少就会更加正，咁就可以更多挂汁，一定更好食。Cappacino - 每日都饮咖啡既我，当然要试下佢地啲咖啡啦。咖啡味香，我估用左哥伦比亚既咖啡豆，比较无咁 Strong，鲜奶同咖啡比例得宜。Brownie - 老实讲我觉得佢比较似朱古力蛋糕，原因系比较淋，通常Brownie 都系比较硬身，又有啲果仁，食落去有啲咬感，但朱古力味都绝对足够，配咖啡都好好食。