影片
更多
2022-12-03
730 浏览
镬气十足嘅传统粤式中菜馆！餐厅门面平凡唔显眼，但估唔到啲嘢食有惊喜😳主打香港地道怀旧菜式，同时又有多款创意新派撚手小菜例如古法焗鱼肠、梅子荔芋鸭、黑松露虾多士等等，某啲菜式需要提早预订先可以食到Menu睇到花多眼乱，但好在有张美食热卖排行榜可以跟住嗌🤣呢度所有小菜由午市就开始供应，包白饭同老火汤，老火汤足料浓郁冇落味精，白饭仲可以任装而家星期一至四午市同晚市小菜(海鲜及预订菜式除外) 都有9折优惠，更加抵食！-👍🏻芝麻鸡 $188/半只呢度招牌必食嘅传统菜式！可以做到成只鸡都沾满密密麻麻嘅芝麻仲要唔甩，真系好考功夫花时间火喉亦控制得好好，鸡皮薄身香脆，鸡肉咬落仍然鲜嫩多汁，完全做到皮脆肉嫩口感，鸡味浓郁同时又食到芝麻香，超正！配上日式芝麻酱，不过鸡肉本身已经有咸香，就咁食都好好食虽然密集恐惧症人士表示有啲惊，但真系值得一试味道：9/10性价比：7/10-👍🏻蜜椒薯角牛柳粒 $88近年大排档必嗌菜式，但呢度比较特别，连牛柳都有脆浆包住，表面炸到微微脆牛柳食到牛味，肉质软嫩有弹性，冇筋唔会太韧/拿到腍沾上蜜糖，甜甜地又有黑椒味，好好食！薯角亦炸到外脆内软，大小适中，加上甜甜地嘅蜜糖脆皮，冇
主打香港地道怀旧菜式，同时又有多款创意新派撚手小菜
例如古法焗鱼肠、梅子荔芋鸭、黑松露虾多士等等，某啲菜式需要提早预订先可以食到
Menu睇到花多眼乱，但好在有张美食热卖排行榜可以跟住嗌🤣
呢度所有小菜由午市就开始供应，包白饭同老火汤，老火汤足料浓郁冇落味精，白饭仲可以任装而家星期一至四午市同晚市小菜(海鲜及预订菜式除外) 都有9折优惠，更加抵食！
-👍🏻芝麻鸡 $188/半只
呢度招牌必食嘅传统菜式！可以做到成只鸡都沾满密密麻麻嘅芝麻仲要唔甩，真系好考功夫花时间
火喉亦控制得好好，鸡皮薄身香脆，鸡肉咬落仍然鲜嫩多汁，完全做到皮脆肉嫩口感，鸡味浓郁同时又食到芝麻香，超正！
配上日式芝麻酱，不过鸡肉本身已经有咸香，就咁食都好好食
虽然密集恐惧症人士表示有啲惊，但真系值得一试
味道：9/10
性价比：7/10
-👍🏻蜜椒薯角牛柳粒 $88
近年大排档必嗌菜式，但呢度比较特别，连牛柳都有脆浆包住，表面炸到微微脆
牛柳食到牛味，肉质软嫩有弹性，冇筋唔会太韧/拿到腍
沾上蜜糖，甜甜地又有黑椒味，好好食！
薯角亦炸到外脆内软，大小适中，加上甜甜地嘅蜜糖脆皮，冇得输
味道：9/10
性价比：8/10
-👍🏻招牌榄角骨 $88
呢样比较传统少见，一上枱已经闻到好香
本身担心啲肉会好痴骨/好干柴，但呢个完全唔会
肉质非常松软，肥瘦适中，尤其近骨嘅肉，肉味更加香浓
最正系一样炸到微微脆，真系估佢唔到，好有惊喜！
味道唔似一般榄角咁咸，反而甜甜地带微酸，榄角味就唔算好重
份量都合理，唔会剩系得骨冇肉食
味道：9/10
性价比：8/10
-👍🏻鲜菠萝咕噜肉 $98
同样系惊喜之作！卖相好有霸气，连埋菠萝上枱
咕噜肉外皮好脆口但唔厚粉，肉质松软，充满猪肉香，旧肉仲几大粒下
特别系用咗新鲜菠萝而唔系一般常见嘅罐头菠萝，菠萝清香酸甜多汁，而且咕噜汁酸甜度都啱啱好
唔系得个摆盘整色整水个啲，好食
味道：9/10
性价比：8/10
-👍🏻秘制酱油厚猪扒饭(包嘢饮) $58
除咗小菜，呢度每日5:30pm前会有超抵食嘅碟头饭供应
厚切猪扒超巨型直头大过块面，一上枱真系吓亲
肉质比想像中松软好多，完全唔韧唔干柴，猪肉味香
加上㶶边荷包蛋，饭粒捞埋蛋汁同秘制甜酱油冇得输
整体超大碟， $58嚟讲性价比好高！
味道：8/10
性价比：9/10
-整体无论地道怀旧菜定创新菜式味道都好好，款式同做法亦特别唔常见
价钱唔贵，大排档小菜价钱但有酒楼嘅水准，性价比高👍🏻
环境装修走街坊平民路线，好似一般茶记咁，人多可以上阁楼坐大圆枱
另外一提呢度唔收开瓶费同切饼费，同屋企人/长辈嚟庆祝生日都好适合
-
🔺留意午市同晚市嘅9折优惠只限星期一至四 (海鲜及预订菜式除外)
-📍#喜满楼菜馆 ＠joyfulcatering2
土瓜湾安徽街2号地舖
张贴
