影片
更多
2017-08-15
50 浏览
去到旺角一间酒吧，系我最爱嘅白色门面装修，餐厅门口仲可以泊车，系入面食都望到出嚟，好方便。酒吧餐厅入面以木为主，装修比较朴素舒适，灯光昏暗，颇有浪漫情调，见到几乎满座，Happy Hour 同埋谈心嘅好地方。餐厅酒吧嘅手工啤酒好出名，所以专程来试吓。我哋坐高枱位置，餐牌除咗有手工啤酒之外，仲有唔同款式嘅cocktails，同埋小食pizza等等。小食我就叫咗「大和东望洋鸡翼」，鸡翼好大只卖相好靓，连埋鸡翼尖有我手板咁大只，见到鸡翼表面有啲香草，闻落去好香，望落去好脆口，食落去好新鲜，鸡翼嘅肉汁渗晒出嚟，真系即叫即炸，而且味道啱啱好，唔会太咸，唔错唔错。之后叫咗店舖推介嘅「竹炭薄饼」，我哋选择咗「麻婆烤鸡辣肉碎竹炭薄饼」，呢款系新产品，所以试吓。竹炭Pizza一共切开成八件，卖相好似竹炭嘅黑色为主，出面都食唔到咁嘅款式pizza，面头有厚厚嘅芝士，再配以蘑菇、烤鸡同埋香草粉等等嘅配料，食落去饼底好薄，咬落去好香脆可口，配搭埋有少少麻辣味道嘅鸡肉一齐食，好有口感而且好滋味。手工啤酒方面叫左一杯「前程锦绣All the best session pale ale」，呢一款手工啤酒易入口，泡沫
去到旺角一间酒吧，系我最爱嘅白色门面装修，餐厅门口仲可以泊车，系入面食都望到出嚟，好方便。酒吧餐厅入面以木为主，装修比较朴素舒适，灯光昏暗，颇有浪漫情调，见到几乎满座，Happy Hour 同埋谈心嘅好地方。
餐厅酒吧嘅手工啤酒好出名，所以专程来试吓。我哋坐高枱位置，餐牌除咗有手工啤酒之外，仲有唔同款式嘅cocktails，同埋小食pizza等等。
小食我就叫咗「大和东望洋鸡翼」，鸡翼好大只卖相好靓，连埋鸡翼尖有我手板咁大只，见到鸡翼表面有啲香草，闻落去好香，望落去好脆口，食落去好新鲜，鸡翼嘅肉汁渗晒出嚟，真系即叫即炸，而且味道啱啱好，唔会太咸，唔错唔错。
之后叫咗店舖推介嘅「竹炭薄饼」，我哋选择咗「麻婆烤鸡辣肉碎竹炭薄饼」，呢款系新产品，所以试吓。竹炭Pizza一共切开成八件，卖相好似竹炭嘅黑色为主，出面都食唔到咁嘅款式pizza，面头有厚厚嘅芝士，再配以蘑菇、烤鸡同埋香草粉等等嘅配料，食落去饼底好薄，咬落去好香脆可口，配搭埋有少少麻辣味道嘅鸡肉一齐食，好有口感而且好滋味。
手工啤酒方面叫左一杯「前程锦绣All the best session pale ale」，呢一款手工啤酒易入口，泡沫圆滑，饮落去有蓝莓同埋木瓜嘅味道，仲有玫瑰花香添，好特别嘅手工啤酒系列。
我朋友就叫咗「where's Mine」嘅Cocktail，有几块柠檬片系入面，再加少少酒，饮落去几清甜，酸酸嘅味道好开胃。
埋单都只系＄400有找，可以饮杯嘢食下小食Relax吓，唔错嘅一个收工倾计relax好地方。
张贴
