影片
更多
2021-02-05
6199 浏览
今次介绍既系稍微钟意台湾野都会听过既呢间阿元来了，系最近发怖既《米芝莲指南香港澳门2021》入面，有7间新入选既餐厅，其中一间就系西环坚尼地城店既阿元来了。老细阿元家人本身系夜市小食摊贩，自己都曾经卖过红豆饼同火锅，系2015年系香港西环创立左呢间餐厅，因为见到香港无正宗既卤肉饭，之后系观塘开分店，招牌除了有鲁肉饭外，台式早餐同便当等都出名，而比起食物，佢既古式台湾装修更加出名，好岩钟意食台湾野又钟意打卡既大家。-1️⃣ 阿元鲁肉饭 💰42（👅: 8/10）鲁肉饭同阿元鲁肉饭个分别应该系多左白菜同半只卤蛋，个碗好似都大D，份量就唔肯定系咪都多D。鲁肉饭够多汁，卤肉同卤肉汁够捞哂成个饭食，汁唔算重味小小甜，饭系用珍珠米，份量系一碗饭咁多，细食既人可能一碗都接受饱。鲁肉闻落几香，肥瘦均称，卤肉同即叫即炒既肉燥唔同，用酱汁卤五花腩6个钟再炖，食落味道够浓，唔太算软腍，质感系较黏口。配料仲有一堆白菜同一旧腌渍，整体唔算好惊喜不过算好食。。-2️⃣ 香菇肉羮米粉 💰48（👅: 7.5/10）睇落比鲁肉饭再大碗D。米粉个汤质地系好杰身浓稠糊状，米粉唔易夹开，闻落无鲁肉饭咁香。肉饼食落实在，口感算滑嫩。每一
今次介绍既系稍微钟意台湾野都会听过既呢间阿元来了，系最近发怖既《米芝莲指南香港澳门2021》入面，有7间新入选既餐厅，其中一间就系西环坚尼地城店既阿元来了。
老细阿元家人本身系夜市小食摊贩，自己都曾经卖过红豆饼同火锅，系2015年系香港西环创立左呢间餐厅，因为见到香港无正宗既卤肉饭，之后系观塘开分店，招牌除了有鲁肉饭外，台式早餐同便当等都出名，而比起食物，佢既古式台湾装修更加出名，好岩钟意食台湾野又钟意打卡既大家。
-
1️⃣ 阿元鲁肉饭 💰42（👅: 8/10）
阿元鲁肉饭
$42
78 浏览
2 赞好
0 留言
鲁肉饭同阿元鲁肉饭个分别应该系多左白菜同半只卤蛋，个碗好似都大D，份量就唔肯定系咪都多D。
鲁肉饭够多汁，卤肉同卤肉汁够捞哂成个饭食，汁唔算重味小小甜，饭系用珍珠米，份量系一碗饭咁多，细食既人可能一碗都接受饱。
鲁肉闻落几香，肥瘦均称，卤肉同即叫即炒既肉燥唔同，用酱汁卤五花腩6个钟再炖，食落味道够浓，唔太算软腍，质感系较黏口。
配料仲有一堆白菜同一旧腌渍，整体唔算好惊喜不过算好食。。
-
2️⃣ 香菇肉羮米粉 💰48（👅: 7.5/10）
香菇肉羮米粉
$48
73 浏览
1 赞好
0 留言
睇落比鲁肉饭再大碗D。
米粉个汤质地系好杰身浓稠糊状，米粉唔易夹开，闻落无鲁肉饭咁香。
肉饼食落实在，口感算滑嫩。
每一种配料既味道未算好一体好夹，各有自己味道。
新竹米粉索满左汤，不过味道偏淡。
-
3️⃣ 盐酥鸡💰37（👅: 7.5/10）
盐酥鸡
$37
71 浏览
1 赞好
0 留言
份量足够，食落温度足够热辣辣，新鲜脆口，入面肉内嫩，调味平均唔会话太咸。
炸粉唔太厚，食落唔油腻。如果唔钟意重味咁呢个应该几适合。
-
4️⃣⃣ 肉松起司蛋饼💰35（👅: 8/10）
肉松起司蛋饼
$35
56 浏览
1 赞好
0 留言
系一个足料既蛋饼，蛋香味唔算重，蛋饼既肉松好满好足够，芝士味唔算好出。饼皮够薄身淋身，食落唔油腻，食落会饱肚，味道偏重味偏咸，咸味可能系黎自上面既酱汁，估计佢咁多肉松就系为左中和个咸味。个人觉得下次可以试下将上面个酱汁整走会唔会更好食，有D抢过其他既味道。
-
🧋香芋珍珠奶茶💰28（👅: 8/10）
因为个时唔记得走甜，所以饮落系偏甜，不过几好饮，我自己唔太钟意太重香芋好似milksha咁不过呢间就岩岩好，珍珠系细粒状，几有嚼劲，建议可以叫小甜。
唯一唔好既系冻饮系用杯但热饮会用纸杯，唔系几环保。
-
🌟今次叫既都比平时叫多左野食，所以价钱都贵小小，如果一个人食其实便当都已经够如果唔系好大食，多人食其实一人一个饭/面加个小食都足够。
阿元鲁肉饭
$42
18 浏览
1 赞好
0 留言
总括系味道如果系观塘既台湾菜算唔错，我觉得台湾野有唔同鲁肉饭、面线既做法，所以都好睇个人口味，佢既卤肉饭同蛋饼会较出色，但呢间台湾野无牛肉面，如果钟意牛肉面既可能要试其他台湾菜餐厅。
-
👅味道: 7.5/10
🍴环境: 8/10
💰消费: $108 (服务费: NA)
张贴
