影片
更多
2023-08-15
442 浏览
女友小熊系港岛出差，收工系天后，问我放工晚饭食咩好.小熊提起，先醒觉好耐好耐无入去大坑，大大话话成十多年! 于是提议入大坑开餐.另一个原因，就系入去怀念一下! 相信好多人入去大坑，一系去莲花宫，另外就系去房协，我亦唔例外，十多年前去完房协之后，都无再入去，所以入去缅怀一下.....记得以前浣纱街有间细细地由两公婆开嘅电单车维修店，今日经过已经变成 eleven，唔知搬咗去边? 有街坊车友知道的话麻烦留言俾我知!四围游荡之际，小熊被哩间越南餐厅环境吸引，于是推门入去帮衬.哩间餐厅叫火车头，系火龙径行紧时老远已经见到佢个悬挂招牌! 哩D招牌买少见少喇，因为政府不停拆拆拆....入面装修环境够气氛，有越南街头风味又有火车车厢感觉.点咗一份名为火车头招牌汤河，泰式烧鸡，咖哩软壳蟹，点咖哩当然唔少得蒜蓉包啦!首先我唔食得辣，全部点嘅𩠌都唔辣! 软壳蟹食得多，加上咖哩都系第一次，软壳蟹外脆内软，咖哩汁味道香浓，我同小熊不停用蒜蓉包点咖哩汁嚟食，一滴都无浪费! 蒜蓉包份量够大，蒜蓉亦不少，所以蒜香扑鼻!泰式烧鸡外表以为鸡肉又干又柴口，食落先知系错觉，肉嫩够热又 Juicy，鸡皮又够香脆! 唔洗点甜酸
小熊提起，先醒觉好耐好耐无入去大坑，大大话话成十多年! 于是提议入大坑开餐.
另一个原因，就系入去怀念一下! 相信好多人入去大坑，一系去莲花宫，另外就系去房协，我亦唔例外，十多年前去完房协之后，都无再入去，所以入去缅怀一下.....
记得以前浣纱街有间细细地由两公婆开嘅电单车维修店，今日经过已经变成 eleven，唔知搬咗去边? 有街坊车友知道的话麻烦留言俾我知!
四围游荡之际，小熊被哩间越南餐厅环境吸引，于是推门入去帮衬.
哩间餐厅叫火车头，系火龙径行紧时老远已经见到佢个悬挂招牌! 哩D招牌买少见少喇，因为政府不停拆拆拆....
入面装修环境够气氛，有越南街头风味又有火车车厢感觉.
点咗一份名为火车头招牌汤河，泰式烧鸡，咖哩软壳蟹，点咖哩当然唔少得蒜蓉包啦!
首先我唔食得辣，全部点嘅𩠌都唔辣! 软壳蟹食得多，加上咖哩都系第一次，软壳蟹外脆内软，咖哩汁味道香浓，我同小熊不停用蒜蓉包点咖哩汁嚟食，一滴都无浪费! 蒜蓉包份量够大，蒜蓉亦不少，所以蒜香扑鼻!
泰式烧鸡外表以为鸡肉又干又柴口，食落先知系错觉，肉嫩够热又 Juicy，鸡皮又够香脆! 唔洗点甜酸汁已经好好味，点埋甜酸更加惹味!
𠲖! 招牌汤河粉嘅汤底咁深色? 饮落清甜之余又隐匿有少少好似药材味，内有牛栢叶，生牛肉，牛丸同牛筋腩，首先牛丸用新鲜牛肉打制，入口松软又juicy，另外较难处理嘅牛栢叶亦极之嫩口，牛筋同样出色，炆到冧哂又入味，不知好过几多港式粉面档嘅牛筋腩!
食完之后，行过维园，相信下一次嚟系出年行年宵巿场鸟.
张贴
