影片
更多
2022-12-13
1241 浏览
约左朋友去炮台山东岸公园行下，游玩完毕，即兴过嚟天后呢边食晚饭。喺银幕街揾到间主打海南鸡嘅新餐厅，看了门外餐牌，晚餐价钱合理，决定一试。餐厅嘅装修好骨子，地方虽然不算很大，但环境干净企理，坐得都几舒服。头先喺门口已经睇左菜牌，所以一坐低就即刻可以点餐，拣左个招牌海南鸡 2 人套餐 ($175)。份套餐嘅阵容好丰富，有半只海南鸡，炭烧猪颈肉或卤水元蹄一碟，另外仲有鲜鱼汤浸时菜、无味精住家汤、香茅油饭或丝苗白饭 2 碗同港式热饮 2 杯。招牌海南鸡选用了清远走地麻鸡，送上时斩到大大件，色泽亮丽，而且排列得很美观！食落肉质好滑溜，皮爽肉嫩又无骨，配三色酱吃，更添风味。配菜炭烧猪颈肉亦唔输蚀，烧得啱啱好，外皮带脆，入口唔会干争争，既爽弹又有肉汁，配埋个酸酸辣辣嘅酱汁食，真系劲惹味！鲜鱼汤浸时菜：菜心好新鲜，爽脆嫩绿，加埋鲜甜嘅鱼汤，清淡得嚟又唔寡，够晒天然！另外 2 碗住家汤味道亦非常可口，内有合掌瓜、粟米、红萝卜、雪耳、虫草花和鸡肉等，足料又够火喉，香浓味美，而且饮得出无落味精。米饭可选香茅油饭或丝苗白饭，油饭用香茅同葱油炒过，色水好靓，呈金黄色，入口香气十足，粒粒分明又够干身，味道和质感与
喺银幕街揾到间主打海南鸡嘅新餐厅，看了门外餐牌，晚餐价钱合理，决定一试。
餐厅嘅装修好骨子，地方虽然不算很大，但环境干净企理，坐得都几舒服。
头先喺门口已经睇左菜牌，所以一坐低就即刻可以点餐，拣左个招牌海南鸡 2 人套餐 ($175)。
份套餐嘅阵容好丰富，有半只海南鸡，炭烧猪颈肉或卤水元蹄一碟，另外仲有鲜鱼汤浸时菜、无味精住家汤、香茅油饭或丝苗白饭 2 碗同港式热饮 2 杯。
招牌海南鸡选用了清远走地麻鸡，送上时斩到大大件，色泽亮丽，而且排列得很美观！食落肉质好滑溜，皮爽肉嫩又无骨，配三色酱吃，更添风味。
配菜炭烧猪颈肉亦唔输蚀，烧得啱啱好，外皮带脆，入口唔会干争争，既爽弹又有肉汁，配埋个酸酸辣辣嘅酱汁食，真系劲惹味！
鲜鱼汤浸时菜：菜心好新鲜，爽脆嫩绿，加埋鲜甜嘅鱼汤，清淡得嚟又唔寡，够晒天然！
另外 2 碗住家汤味道亦非常可口，内有合掌瓜、粟米、红萝卜、雪耳、虫草花和鸡肉等，足料又够火喉，香浓味美，而且饮得出无落味精。
米饭可选香茅油饭或丝苗白饭，油饭用香茅同葱油炒过，色水好靓，呈金黄色，入口香气十足，粒粒分明又够干身，味道和质感与别不同。
套餐跟港式热饮，加钱可升级至特色饮品，点左热柚子蜜茶 (+$6) 同 柠檬可乐 (+$8)，柚子蜜茶清甜滋润，入口完全无半点涩味，啱晒而家嘅天气饮用。
张贴
