宿宿醉 (已結業)

去中环揾好食嘅越南嘢食真系好难，大多数都系不过不失的越南餐厅，无意中比我揾到呢间宿宿醉去试吓，食出惊喜！选择唔算太多，胜在特别同好食！特别叫咗个椰青，价格合理＄48 ,大细适中。椰汁清甜滋润，椰肉仲好易起肉，可以做饮品同时做甜品。黑松露烧带子沙律＄88 ,超级抵食！带子好新鲜香甜，煎到半山熟，睇图就知黑松露有几多啦，连买沙律一齐食，又香黑松露味道，又清新，冇得弹！超级宿醉回魂粉＄188 , 足够三至四人份量，用古时宫庭式的器皿装住回魂粉黎食已经够晒吸引，突然觉得高级左！有安格斯牛肉，牛坑腩，牛柏叶，牛筋丸，越南虎虾，我真系未食过咁多材料嘅火车头！越南虎虾系超级新鲜，肉质弹牙香甜，有手掌咁大嘅！牛坑腩油脂分布均匀，够晒林，好好味！牛筋丸好似手打咁好食，一口咬落去仲会有油汁弹出。最紧要系火车头嘅汤底，应该用咗好多牛骨整作汤底，完全冇味精味道，用科高级，食材健康！值得一试。香茅牛油蒜香鸡翼＄88 ,系单骨鸡翼，炸得好香脆，超级香蒜香味道！鸡翼嘅肉质亦都好嫩滑。越式烧猪颈肉法包＄88，估佢唔到咁惊喜，唔单止好新颖，仲好好食！猪颈肉烧到香脆可口，夹埋萝卜丝青瓜生菜，口感好新鲜！