Eggslut

营业中

休息中

Save低咗一段时间嘅Eggslut之前都未有机会试，今日去开铜锣湾见唔洗点排队就坐低试试。🔸招牌蛋薯蓉加法包最想试嘅就系呢个招牌薯蓉配法包🥖，🫙入面底层系幼滑嘅薯蓉，上面系流心蛋，配埋法葱、海盐调味，个人而言都几咸吓。旁边嘅法包未有翻热或烘烤，又干又靱而唔系法包应有嘅香脆🥲 薯蓉出色但被法包毁了，有啲失望。🔸招牌蛋薯蓉加法包🔸松露迷你薯饼薯饼细细粒闻落有微微松露香气，不过似乎炸得唔系好透，咬落都几油。🔸招牌炒滑蛋三文治🍔牛油软包松软带牛油香🧈，入面有焦糖化咗嘅焦糖洋葱好好味🧅，溶化咗嘅车打芝士🧀️，主角软滑炒蛋有浓浓嘅鸡蛋同牛油味🥚，有埋法葱点辍，酱汁用是拉差蛋黄酱惹味得嚟又唔会盖过炒蛋嘅味道🥪。试咗几款招牌菜都唔错，但唔好抱太大期望。份量做早餐一个包都足够，（加埋油腻感🥲，所以要饮橙汁中和）男士就可能未必够饱了。价钱略贵但可以一试。