金滿膳燒味餐室 (已結業)

同男朋友行街，行到肚饿，去食下午茶。见到有间叫金满膳的餐厅，餐厅位于牛头角牛头角道357-375号仁安大厦地下。餐厅门口展示柜挂左几排烧味，望落去好靓好新鲜热辣，再睇埋餐牌，烧味粉面下午茶只需＄34，仲包一杯热咖啡或茶，真系惊喜价！一于入去试吓系咪伏。餐厅入面干净企整，光线充足，座位就系一般茶餐厅的装修，墙上面贴左好多食物相，方便人选择食物。我哋叫左一个招牌脆皮烧腩仔米粉和一个熏蹄米粉，佢的烧味和粉面系分开上的，烧腩仔皮唔会浸到谂晒。米粉的份量好多，烧味的份量又多，咁多份量你话佢系午餐都有人信👍烧腩仔肥瘦刚刚好，外皮脆卜卜。熏蹄皮爽肉嫩，皮肉层次分明，咬落去猪皮的骨胶原充满口中，超正👍绝对要介绍朋友来帮衬！