雞湯小聚

营业中

休息中

最近发现TOP地库开咗间新嘅小店，主打多款养生鸡锅，可自行选择汤底、配料同主食，另外亦有鸡汤米线供应。店内环境好大，分分钟大过Food Court Area，座位阔落，卡位为主，空间感十足，食完都唔会话好大阵味，经过可以一试。养身鸡锅要咗招牌嘅花胶鸡同怀旧药膳汤，汤底浓郁，饮落暖胃，真材实料，有埋原块花胶同红枣等，煮至入味，各有千秋。配料五选一，猪牛鸡或墨鱼片，私心推介牛小排，鲜嫩多汁，薄切唔嚡、另可额外加配，广岛蚝三大只，鲜甜入味，值得一试、仲有盘好新鲜嘅时令蔬菜，赞。若唔想食得咁Heavy嘅亦可以选择叫鸡汤米线，价格亲民，款色众多，有药膳、椰汁鸡、麻辣鸭血、胡椒猪肚、番茄牛肉等，云吞鸡份量唔少，啖啖肉，汤底同样出色，主食可配白饭、米粉、刀削面、菜底或乌冬，店员推介米线，吸满汤汁，入口滑溜，就算放咗段时间都未到发胀，性价比高。