川川辣辣

营业中

休息中

天水围颂富商场有一间川菜馆川川辣辣好出名，朋友话最出名秘制葱油鸡同招牌酸菜鱼，每个客人嚟到必叫之选。其实店内仲有好多不同菜式，有水煮鱼、水煮牛肉、麻辣小龙虾。钟意食辣既我见到也口水流了！店内装修简洁鲜明，座位舒服松动，大部份卡位可坐四人，另有一张大圆枱可以坐12人，大家庭都冇问题👍🏻。酸菜鱼上菜时已经闻到香喷喷，金黄色汤浓酸辣适中味道可口。鱼肉用上海鲈鱼制作，无骨肉质嫩滑饱满，份量都好多。配料包括腐皮、酸菜、菇、芦笋、薯粉等等一定够饱☺️秘制豉油好香，有大量葱丝葱花垫底，白切鸡鲜嫩肉滑！估唔到川菜馆都会有西多士，流心奶黄西多士仲可以配（炸鸡髀、炸猪扒）第一次食西多士中间系奶黄流心，唔错呀味道好香。有蛋黄沙口味，又唔会太甜几特别！