過橋麵檔

营业中

休息中

元朗冇人唔识嘅过桥面档，佢嘅招牌菜当然系霸王鸡，霸王鸡嘅配料有炸蒜蓉、葱花、辣椒、芽菜、姜丝同豉油，虽然唔系新鲜鸡，但味道依然引人入胜。如果你想食新鲜鸡嘅话，咁就要叫咸鸡，但系价钱相对地比霸王鸡高大约三至四成，值唔值就见仁见智。其实佢除咗霸王鸡菜饭之外，过桥面档中出名嘅系一个鸳鸯炒饭，一边系蕃茄汁，另一边就系芝士白汁，如果同朋友一齐去食，就一定会叫返个炒饭一齐share，真系好好食！仲有佢嘅卤水拼盘，猪耳好入味，其他配料都唔输蚀，值得一试！