皇府 (已結業)

今日下午我们喺观塘做完嘢之后，我们去咗已经有好一段时间无去嘅九龙塘又一城行街，之后我们去咗「皇府」食晚饭！喺谂紧叫咩食𠮶阵，我们问店员有咩招牌食物推介？店员就推介咗鲜虾带子云吞面同食神叉烧饭！鲜虾带子云吞面嘅面质好爽口弹牙，而且都几幼身，云吞嘅皮好薄身嫩滑，虾肉亦几鲜味弹牙！而食神叉烧饭就系我们最期待嘅，叉烧嘅肉质非常松化软滑，唔会有好硬实嘅感觉，蜜汁嘅味道亦好香甜，而鸡蛋就喺落单𠮶阵店员会问我们想要太阳蛋或熟蛋？我们就拣咗太阳蛋，煎出嚟嘅效果好似熟咗啲啲，但就好香口！另外我们再单点咗老火例汤：木瓜花生猪骨汤煲得好够火候，汤底嘅味道相当香甜浓郁！豉椒鸡丝炒河嘅河粉质感都几烟烟韧韧，鸡丝嘅肉质好软滑！去骨海南鸡饭嘅肉质好嫩滑，而油饭就有一股「油益味」，我们同店员讲话有啲「油益味」，店员亦好有礼咁换咗一碗白饭畀我们，值得一赞！鲜鲩鱼腩粥嘅粥底煲得好绵，味道好香甜，鲩鱼腩嘅肉质相当鲜甜嫩滑！