春陽茶事 (謝斐道) (已結業)

系铜锣湾行左一个下午，行到口渴，就去左春阳茶事买杯野饮。最近黑糖珍珠鲜奶咁受欢迎，间间台式奶茶店都系以黑糖珍珠鲜奶作为主打，我本身以为春阳茶事都系一样。点知，店员竟然推荐我饮「柠檬蜜乌龙」。咁我就一于买一杯试下系咪真系咁好饮！买左大杯「柠檬蜜乌龙」微甜少冰。虽然我买既时间都多人，见到有堆人买紧/等紧，但都唔系等左好耐就拎到杯野饮。一拎到手即刻打个卡先！一啖饮落去，一阵酸酸甜甜既柠檬蜜香味系个口入面散发出黎，再加上清清地既乌龙茶，味道好夹！因为叫左微糖，唔会好甜，岩岩好。春阳茶事既招牌饮品果然系名不虚传，以后除左黑糖珍珠鲜奶之外，仲可以饮春阳茶事既柠檬蜜乌龙啦！春阳茶事好似仲有几款好特别既推荐饮品，下次一于试埋其他！