聚小館 (已結業)

喺伟大嘅特区领导班子带领我哋抗疫之下，其他区我吾知，大角嘴就大约一半店铺冇开门，不过要返工既始终要返，午餐始终要食，今日就去到大全街既人气店《聚小馆》试吓佢。之前新开，又上报纸又上杂志，午市坐无虚席；今日受疫情影响，仅两三枱入坐，不过堂食外，也有不少客户外卖。点了《招牌魔鬼炒饭》，听见师傅大火炒热上；全黑色，豆豉未入豆先有香味，一入口好重罐头豆豉鲮鱼味！哈哈！细心了解一下，呢个魔鬼当然有豆豉，有咸鱼，亦有细红辣椒切粒，肉碎加强辣味同口感。师傅手势好，饭粒炒得均匀入味；平时单店呢碟野系咸既，有杯颇酸既乌梅茶平衡番又好左啲啲。呢碟炒，系口淡淡既时候，重口味之选。总结：特别既，不过下次反而想试吓《西施泡饭》又或者《福建炒饭》先可以同其他店公平比较。