東鮨居酒屋 (已結業)

西营盘啲餐厅愈开愈多，今次喺第二期既转角位就揾到间新既日本菜！试左店员推介嘅黑咖哩，佢话店内嘅黑咖哩唔辣，用咗墨鱼汁同龙虾汁制成，食落真系有海鲜味，同出边嘅搭咖哩饭好唔同，而且炸鸡份量都几多，唔错！七色刺身丼就咩都有，而且都几大碗，如果唔想食热食都可以考虑。我哋另外叫左炸软壳蟹沙律同炸鸡软骨，软壳蟹嘅份量比想像中多，而且唔会炸得过火，肉质唔错，如果唔系太饿既女士一个都够！总括嚟讲，西营盘普遍都系比较多西餐厅，而且佢日本菜来讲都算选择几多，所以一班人食都唔错！