Duck & Waffle (已結業)

话说小编几年前去英国exchange（唔好尝试计我年龄🙈🙈），临返香港前一日专登孭住个11kilo既背囊去伦敦好出名既Duck＆Waffle，点知去到嘅时候先知冇得walk-in，一定要book位😭😭结果就成为一个小小既遗憾👉🏻👈🏻隔咗几年之后Duck＆Waffle终于开到嚟香港，今次终于有机会试下佢既signature喇！呢度嘅座位都比较阔落，侍应会时不时帮你换餐具同碟，又会好详细咁介绍推介嘅菜式。呢度既厨房采用开放式设计，整个厨房都一览无遗，可以食住饭睇住厨师烹调😍😍。Foie Gras Creme Brulee外表完完全全present到好似焦糖布丁咁既甜品😋😋，面头一层焦糖脆卜卜，入面既布丁用鹅肝酱整成，质地好软滑，鹅肝味道好甘香，配埋甜甜地既餐包一齐食，冇咗平时食煎鹅肝果种油腻感，都几推荐👌🏻👌🏻Grilled 18HR Pork Belly黑妈妈既外表唔知点解有啲喜感😂😂上枱时已闻到好香既孜然粉味，有啲fusion既感觉。经慢煮既猪腩肉面头洒上唔少芝麻增添香味，啲肉好容易切开一丝丝，肉质大部份都几腍，不过都有少部分稍柴，酱汁甜甜地带少许孜然香，配上沙律酱同青瓜可以减少腻感。