荔香園冰室 (已結業)

旺角嘅女人街，仲有呢一间特色嘅冰室🥰望落去装修好新净，而且仲有港式嘅怀旧风格~菜单嘅选择都几丰富🤓有晚餐嘅锯扒，焗饭，或者系港式嘅多士，小食都有齐。选择咁多，既然系dinner time，就试吓佢哋嘅招牌小菜先！试咗佢哋嘅芝士焗西兰花，同埋招牌USA黑椒牛柳粒，两个嘅出品都好好👍黑椒牛柳粒好有镬气，加埋青椒，同埋薯仔粒🥔更加丰富嘅口感。牛柳粒都好鲜嫩，食落去都几弹牙，有口感。而芝士焗西兰花亦相当唔错，🥦西兰花嘅硬度适中，而且上边有拉丝嘅芝士，认真邪恶。下面都落咗少少鸡汤浸住，唔会惊过干😍服务员嘅态度好好，女职员嘅招呼非常之温馨，令我倍感窝心。