影片
更多
2012-05-09
663 浏览
2月15日, 得知清亭因为租约问题做到2月尾就会结业, 佢拥有我地十多年嚟好多唔同嘅回忆, 包括我同呀菲第一次一齐食嘅越南菜~ 今日特登嚟食埋最后一次, 同佢讲声拜拜~::: 牛油鸡翼 ::: $45最好食嘅首选一定系牛油鸡翼, 虽然牛油鸡翼其实并唔系越南嘅出名菜, 不过呢度又真系做得几好食~ 2只鸡全翼大大只, 一上枱就传嚟阵阵嘅蒜香~ 要讲佢必食嘅原因, 就系佢嘅黄金炸皮, 炸过嘅外皮好香牛油味, 炸皮又唔会同鸡皮炸到分开晒, 鸡肉十分热辣辣, 肉质仲好嫩滑, 加埋青柠汁同少少淮盐, 酸酸地咸咸地咁更加丰富味道~ 作为开胃小食, 完全会令人胃口大开!::: 猪肉虾檬卷 ::: $38再叫个越南名菜檬卷, 样就十分正宗, 粉卷包住大大只嘅虾, 猪肉同檬粉, 睇上去真系好丰满~ 再加上一条韮菜, 真系好地道越南檬卷卖相~ 粉皮好黏口, 亦都够晒薄, 檬粉香滑爽口, 有弹牙感~ 虾呢, 虽然唔算系新鲜, 但系几大只, 肉地唔系弹牙过得去啦. 猪肉反而少咗d, 味道亦都冇乜, 俾其他野盖住咗个味道. 而檬卷精髓就系个酱, 有dd似沙爹酱, 但系味道偏甜冇辣味, 点埋一齐食会令檬粉粉皮呢d淡
::: 牛油鸡翼 ::: $45
最好食嘅首选一定系牛油鸡翼, 虽然牛油鸡翼其实并唔系越南嘅出名菜, 不过呢度又真系做得几好食~ 2只鸡全翼大大只, 一上枱就传嚟阵阵嘅蒜香~ 要讲佢必食嘅原因, 就系佢嘅黄金炸皮, 炸过嘅外皮好香牛油味, 炸皮又唔会同鸡皮炸到分开晒, 鸡肉十分热辣辣, 肉质仲好嫩滑, 加埋青柠汁同少少淮盐, 酸酸地咸咸地咁更加丰富味道~ 作为开胃小食, 完全会令人胃口大开!
::: 猪肉虾檬卷 ::: $38
再叫个越南名菜檬卷, 样就十分正宗, 粉卷包住大大只嘅虾, 猪肉同檬粉, 睇上去真系好丰满~ 再加上一条韮菜, 真系好地道越南檬卷卖相~ 粉皮好黏口, 亦都够晒薄, 檬粉香滑爽口, 有弹牙感~ 虾呢, 虽然唔算系新鲜, 但系几大只, 肉地唔系弹牙过得去啦. 猪肉反而少咗d, 味道亦都冇乜, 俾其他野盖住咗个味道. 而檬卷精髓就系个酱, 有dd似沙爹酱, 但系味道偏甜冇辣味, 点埋一齐食会令檬粉粉皮呢d淡淡地嘅野加番d味~ 如果个酱有花生粒萝卜粒会仲好~
::: 椰肉海鲜炒檬 ::: $70
海鲜主要材料都只系虾仁同鱿鱼, 其实鱿鱼同椰肉都几似, 所以成日会食错~ 成个炒檬都好重椰子味, 钟意椰子嘅人一定会好钟意, 干湿程度好适中, 因为檬粉炒得好干身, 所以淋上个椰汁献会好入味, 见个汁杰杰地, 但系又唔会漏~ 鱿鱼几弹牙, 加埋椰汁亦都好夹, 整体做到好平均, 每一环都好适中, 系价钱贵咗d.
::: 越南蒸馏雪啡奶 ::: $30
呢个滴滴咖啡正宗地好浓缩, 一杯espresso咁多嘅咖啡加埋炼奶, 主要系靠d冰去等佢融嚟沟稀杯咖啡, 最初饮个甜味已经出晒嚟, 仲可能会觉得太浓, 慢慢等d冰融晒冰水沟埋嚟饮先系正宗~ 只系觉得炼奶唔够多, 冇咗越南咖啡独有嘅奶香, 以致啡味重咗少少.
由以前喺景隆街多人到成日要等位, 仲要坐喺后巷食, 之后扩充到呢度咁大地方, 开头都要等位, 慢慢少咗人嚟食, 到今晚我地嚟都只系坐咗1/3满, 有部份仲冇开灯悭电~ 都感觉到佢嘅质素下降咗, 价钱都加咗好多, 要结业都可能系迫不得已. 写食评嘅时间听讲佢改咗名又系开番越南野, 但系已经唔再系清亭, 一切都变了.
张贴
