Lemongrass (已結業)

近排成日黎奥海城食野，咩都试过晒咁济啦，都想试下新野，朋友就介绍黎呢家开张无耐既Lemongrass到试东南亚菜。餐厅既装修俾人几舒服既感觉，座位有得拣梳化同埋椅子，仲有儿童游戏角，后者系香港黎讲真系唔常见。泰无骨海南鸡饭: 海南鸡无骨之余仲皮瘦肉嫩，鲜味嫩滑，伴以由斑兰叶同蒜头煮过的饭，清香而不腻。印尼炒饭: 印尼炒饭炒得好均匀, 又香浓又惹味, 最重要系香而不辣,相当有印尼风味。 只不过只蛋煎得过熟，切落去无蛋汁流出黎。海鲜喇沙: 汤底既有鱼鲜也有咖喱香，加埋鱼蛋同各式各样既海鲜，米粉同埋面，都算几正宗。泰式大虾炒金边粉: 金边粉炒得够镬气，亦都有鲜虾，蛋，蕃茄同青瓜等等既𩠌菜，再加上香口既花生碎，几好食，系嫌虾既份量少左d啫。每个套餐都会包一杯咖啡或茶同甜品，如果要转特饮就要加8蚊，成餐饭最不满就系呢个甜品，再加上食东南亚野无啦啦俾个西式甜品我真系有点儿格格不入。