粒粒果甜品 (已結業)

地道小食同台式饮品开到城行城市，但糖水先系我地今日既目标。行过依间比一个又一个既榴梿星球所吸引，就一于去探索下依个新星球。榴梿星球，外观已经吸引死人。一粒又一粒精凝通透既榴梿星，包住一咬就爆出黎既榴梿果肉，充满榴梿既香气，好得意好特别既感觉。而且下面仲可以拣系配椰汁西米或凉粉。我就要左西米，加埋一片片既新鲜水果，好清新好夏日既感觉。另外朋友要左个绿茶芭菲，除左绿茶雪糕之外，仲有粒粒蜜红豆、小丸子、粟米片。。。好多好多既配料，口感十足，配搭得好味之余又抵食。最后叫多左个芒果窝夫开心share，外观又系非常吸引，而且即叫即做，热辣辣，外趣内软好好食。仲有两球芒果雪糕，浓浓既芒果味，有种冰火交融既感觉。登陆新星球成功，下次可以再度探索依个星球其他甜点。