八海山

营业中

休息中

明太子煎蛋卷($75)，煎蛋既时间掌握得好好，蛋好滑一d都唔老，加左明太子，食落有粒粒咬口。元气豆腐($90)，第一次见既菜式，上层系吞拿鱼蓉和三文鱼籽和纳豆和温泉蛋，下层系超嫩滑“震下震下”质感既豆腐，这样食材既匹搭好创新而且好夹，相信纳豆既味道唔系人人可接受，但其实真系好有益，我都好钟意食，最秘密武器系个酱汁，偏向辣味多d仲同时带有少少酸甜味道，好醒胃。牛肉薯饼($68)，外层既炸面包糠非常脆，筷子轻轻夹起，糠粒已散落，所以要小心注意，入口好酥脆，馅料软绵绵，有种外脆内软感觉，酱汁类似梅子酱，酸酸甜甜味道。杂锦刺身，共有7款刺身，所有刺身色泽鲜艳，而且肥美，三文鱼左纹视觉好美观，海胆清甜幼滑。牛肠锅($180)，同样系一道比较少地方食到既菜式，牛肠一边系软绵绵入口即溶，应该系牛既脂肪，另一边肠部位，食落烟烟韧韧口感，最重要系肠内脏处理得干净。