JUST'er Bar & Restaurant

营业中

休息中

实在太夸张。老实讲，叫𠮶阵我都唔系好知系乜😅，因为个名叫”门西淋牛猪仁鸡vs虾兵蟹将”…..好似咩都有咁。一嚟到，明晒。一大个木盘，放上一大只烧龙虾、差唔多半条嘅猪仔骨、半只半熟春鸡、炸软壳蟹、大量薯条同少量沙律…呢个拼盘，实在太夸张太丰富，原来都只系四百几。龙虾明显烧过，多肉多膏。猪仔骨嘅酱非常惹味，系今晚MVP。春鸡最厉害嘅地方系连鸡胸都唔鞋口。其实食咁多有骨嘅嘢都几泶嫪，好在店员贴心帮我哋换碟。我哋仲叫咗个小食，喺烟三文鱼配牛油果酸青瓜。清爽得来好有质感，味道丰富，个酱有啲酸酸地Spice味，好夹，店员话系自己调配嘅。最后当然要提两杯嘢饮，因为实在太靓，又好饮。佢哋分别系”真士多啤梨奶昔”同”菠萝热情果沙冰”。饮饮下都觉得几大杯，以一餐嚟讲系够饮嘅。食呢餐真系要有心理准备系会食晒海陆空，餐厅仍然将每一样嘢食做得好，几难得。但喺呢度食最好book定位，我哋坐坐吓都满晒人了。