影片
更多
2017-10-24
1710 浏览
约咗个旧朋友食饭，知佢喺食肉兽，亦都算识食，所以，谂过一喺食日式烧肉，一喺食日式涮涮锅，仲要拣放题𠮶类，因为，睇朋友身形就知几擦得吓，放题点食都喺一个价。天气转凉，烧肉又比较热气，最终，一行3人就选定希慎嘅「牛气」，贪其水准有保持，食材选择多。入到餐厅内，原来地方几大，一室木啡，柔和舒服，卡位占多数，而卡位背做得偏高少少，唔使同隔离枱你眼望我眼。我哋被安排坐得较入嘅卡位，更静局，方便我哋倾偈。晚市有多种套餐选择，由$178-$378，视乎所拣嘅肉类级数，以及有无配海鲜，餐内全部肉类或海鲜无限制添加任食，当然大前提喺唔好嘥嘢啦，其他配菜、饮品、甜点自助放题食边款套餐都包，唯一注意同枱所有人要点同一价位套餐。本应喺90分钟放题，依家中价𠮶两款就加时到120分钟，而最贵𠮶两款就更加不设限时。既然难得咁耐无见，就梗喺拣款无限时嘅「极上澳洲和牛+海鲜」（$378+10%）慢慢叹，并满足友人识食嘅要求。论到涮涮锅，先介绍吓有咩汤底，分别有7款：北海道昆布、蕃茄浓汤、博多猪骨汤、昆布辛口地狱汤、韩式辛味泡菜汤、三文鱼味噌汤及寿喜烧甜酱油汤，款款都各有特色。原来，依家仲可以加$10变成鸳鸯汤底，划算到
入到餐厅内，原来地方几大，一室木啡，柔和舒服，卡位占多数，而卡位背做得偏高少少，唔使同隔离枱你眼望我眼。我哋被安排坐得较入嘅卡位，更静局，方便我哋倾偈。
晚市有多种套餐选择，由$178-$378，视乎所拣嘅肉类级数，以及有无配海鲜，餐内全部肉类或海鲜无限制添加任食，当然大前提喺唔好嘥嘢啦，其他配菜、饮品、甜点自助放题食边款套餐都包，唯一注意同枱所有人要点同一价位套餐。本应喺90分钟放题，依家中价𠮶两款就加时到120分钟，而最贵𠮶两款就更加不设限时。既然难得咁耐无见，就梗喺拣款无限时嘅「极上澳洲和牛+海鲜」（$378+10%）慢慢叹，并满足友人识食嘅要求。
论到涮涮锅，先介绍吓有咩汤底，分别有7款：北海道昆布、蕃茄浓汤、博多猪骨汤、昆布辛口地狱汤、韩式辛味泡菜汤、三文鱼味噌汤及寿喜烧甜酱油汤，款款都各有特色。原来，依家仲可以加$10变成鸳鸯汤底，划算到极，结果就拣咗北海道昆布搭蕃茄浓汤，两者都喺健康汤底。
当一入门口，就已经见有食物区，近门口嘅喺冷盘小食、沙律、甜品、软雪糕机，啲小食同甜点仲做得精致的骰。
如大多数涮涮锅，点选好指定肉类或海鲜类套餐后，其他嘅配料就可以晌餐厅正中央嘅食物区任攞。有啲咩食？呢个就喺我哋拣牛气嘅原因，因为除款式多之外，又有不少特色配料，而且，试过你就知水准高，唔喺酒楼百零蚊任食火锅可比。
涮涮锅嘅生料后面，就喺酱料区， 有日式酱油、酸汁、胡麻酱、辣椒、炸蒜、辣椒萝卜蓉、长葱、七味粉。小弟就唔喜欢太杂，酱油、葱、炸蒜就够喇。
另一边嘅冻柜，放满多款汽水、果汁自由取用，侧旁更备有啡茶，怕生冷又健康少少，玄米茶或冻顶乌龙喺理想选择。
小弟本身都几钟意饮嘢，尤其喺火锅呀、涮涮锅呀，所以，成晚都饮咗好几罐。但临尾，食咗大大碗雪糕，嚟一杯玄米茶真喺舒服晒。
走到食物区尾，有数款热食供应，例如煲冬菇蟹肉素翅、忌廉汤、咖喱牛肉……等等。今回有对手，同老友涮唔少肉，食得好饱，所以，就无试佢哋嘅招牌咖喱牛肉饭喇。
沙律自助餐又好，放题又好，小弟餐前必食嘅喺沙律，除咗添啲素菜平衡吓，主要喺帮助开胃，等一阵可以食更多嘢。一盘沙律菜，加几款配料及3款酱汁，唔可以跟自助餐嘅规模比，但随意配搭吓有啲蔬菜落吓肚就够喇！
冷盘小食喺等朋友嘅「凉」伴，随啲拎咗啲中华沙律、味咐螺肉及八瓜鱼，细细份，其实都喺贪过吓口瘾。
冬菇蟹肉素翅平时好少「扫街」，故甚少食街边嘅碗仔翅，自从戒埋鱼翅，就更加无食过翅。难得呢度有啲素翅，攞一小碗过口瘾，翅汤内非常足料，味道唔失礼。
极上澳洲和牛+海鲜 $378呢个套餐喺全店最贵𠮶款，但就包晒所有涮涮锅嘅肉类同海鲜，睇睇餐牌嘅内容，就知净喺食佢哋都已经值回票价啦。
挪威三文鱼刺身三文鱼厚切，件件肥美，入口油润鲜味，唔错。不过，刺身始终唔喺今晚嘅主角，但套餐已包，就当然要试埋。
为方便多少少「无时间观念」嘅人，餐厅俾咗两位1分钟及3分钟嘅漏斗，前者喺用嚟计涮肉类嘅时间，后者就计海鲜，不过，小弟都喺随自己喜好多啲，尤其啲靓牛，啲汤够滚半分钟都够呀！
同时间已上咗几盘新鲜食材，先介绍吓盆海鲜拼盘，有日本帆立贝、日本广岛蚝、日本鱿鱼、严选大海虾、纽西兰青口及加拿大翡翠螺，我哋一行3人，就先嚟样样3件，睇落啲帆立贝同广岛蚝特别靓仔。
海鲜拼盘
28 浏览
0 赞好
0 留言
帆立贝厚肉鲜甜，咬落少少弹牙，鱿鱼烚完缩埋一炷，味道唔太特别，但啲翡翠螺好爽口，有点柔韧，沾点酱油宁舍好食。
广岛蚝、大海虾、青口估唔到啲蚝烚完仲咁大只，而且，蚝味都颇浓，大海虾鲜甜弹牙，又够大只啖啖肉，青口亦食得出靓货，入口鲜甜，唔会韧到好似擦纸胶。
极上澳洲和牛一大盆极上澳洲和牛非常养眼，老友睇见都心郁郁，好想即刻放入口，的确，油花分布细密而平均，如雪花般绵密细腻，色泽鲜红唔会瘀瘀黑黑。片片切得够薄，轻轻灼十数秒就够，入口真喺脂香满溢，肉质嫩滑得紧要。老友大赞超好食，所以，临尾都再「安哥」半份独享。
极上澳洲和牛
36 浏览
0 赞好
0 留言
严选澳洲和牛油脂跟「极上」嘅差唔多，同样整体都算分布平均，如果唔喺店员讲，都有少少难分辨。轻灼就可以入口，口感腍滑，而又不失肉味。
严选澳洲和牛
22 浏览
0 赞好
0 留言
极上美国牛小排色泽比起上述两款和牛红啲，油脂亦比较多，但分布无咁平均，虽然口感一样柔滑，油脂感较重，肉味却稍浓。
严选美国牛肩肉牛肩肉切得更薄，油份明显就少好多，故入口脂香无咁重，亦唔喺食其油香，反而，肉质带点韧劲，感觉好唔同。
精选巴西鸡腿肉鸡腿肉要求安排唔好太多，相对牛肉，鸡同猪肉就要灼耐少少。鸡腿肉肉质意外咁嫩滑，一啲都唔嚡，又啖啖肉，皮下脂肪亦非常少。
特级美国豚腩肉成日话肥猪肉，但啲豚腩肉一啲都唔肥，仲切得薄到透光，虽然喺猪肉，因超薄而无需要灼太耐，啲豚腩肉估唔到又喺好嫩滑。
火锅配料涮吓肉、涮吓海鲜，期间就穿插吓其他火锅配料，因为款式多，实在试唔晒，但蔬菜就必不可少。之前讲过，佢哋胜在连其他用料都不赖，几款菜都好新鲜，个人推介啲丸类同墨鱼滑，款款有特色，食得出唔喺沟粉货色，唔好同我讲跟「佳宝」𠮶啲平嘢比。
火锅配料
8 浏览
0 赞好
0 留言
我咃都食唔少蔬菜嚟平均番吓，真喺一碟又一碟蔬菜架。详细就唔晌度唔多讲，总之就样样食啲，而啲蔬菜都颇新鲜。
甜点 - 第一回大多数涮涮锅专门店甜品都喺独沽一味「软雪糕」，但牛气就多元化好多，晌饮品个冻柜放咗啲，沙律枱度又放咗啲，又一大座软雪糕机，全部夹埋有成11款，除咗啫喱粒，留咗肚要试匀佢。第一转拎咗啲的骰甜点，包括焦糖炖蛋、牛乳布甸、3款和果子、椰汁黑糯米及南瓜露。当中，炖蛋唔算好滑，却喺蛋味超浓，而最得欢心喺布甸及南瓜露，前者柔滑而奶香突出，后者写明喺用上名古屋南瓜，香滑而富南瓜味。
甜点 - 第二回西瓜味、芋头味软雪糕拼泡芙，泡芙不过不失过过口瘾，而两款软雪糕口味独特，两款我都觉得好食。好彩无用雪糕筒，因为都溶得几快，而软雪糕机旁仲有好多配料可添加。
Movenpick雪糕赞好牛气嘅面书，即送上Movenpick雪糕，无理由错过架。朱古力味特别香浓，内里仲有朱古力碎片，口感软滑。品牌始终喺唔牌，质素有一定保证。
Movenpick雪糕
95 浏览
0 赞好
0 留言
张贴
