影片
更多
2024-04-23
497 浏览
老婆大人又心郁郁想去跑马地食pizza ！我一定支持佢因为我都好钟意食，我地仲约埋成班朋友仔一齐去试多啲款添。餐厅喺跑马地嘅Little Napoli，今年再下一城攞咗米芝莲2024嘅荣誉，实至名归真系恭喜晒老板呀。嚟呢度食嘢好正！可以睇住总厨Gavino Pilo整佢嘅拿手薄饼。呢度最正嘅就系呢个巨型石窑炉，佢系用高温快烤90秒就可以整起劲好食嘅薄饼好快速。喺热到不得了嘅天气见到多咗呢个柠檬沙冰，唔使谂即刻整返杯叹吓先。又酸又香劲解暑嘅柠檬沙冰喺炎炎夏日叹番杯真系爽到不得了。总厨Gavino Pilo系典型嘅意大利靓仔样，加埋整到咁好食嘅薄饼真系好有魅力。呢个Boschiva入面有巴马黑毛猪颈肉Coppa、火箭菜、磨菇同埋香草牛至，食落去有好香嘅风干火腿味，加埋甘甘苦苦嘅火箭菜简单但系好味，最重要系薄饼边位烟韧又焦香但中间仲系好软熟，呢个口感喺出面真系比较难食到。Monaca用咗拿坡里黄番茄秘酱搽喺饼底，上面加咗猪肉肠、阿杰罗拉烟熏水牛芝士同埋罗马羊奶芝士，食落会有啲烟熏嘅味真系好惹味。如果你同我一样钟意邪恶口味嘅呢个新口味Pizza Nerano就啱晒你！佢嘅配搭系黄番茄酱、腌制的
餐厅喺跑马地嘅Little Napoli，今年再下一城攞咗米芝莲2024嘅荣誉，实至名归真系恭喜晒老板呀。
嚟呢度食嘢好正！可以睇住总厨Gavino Pilo整佢嘅拿手薄饼。
呢度最正嘅就系呢个巨型石窑炉，佢系用高温快烤90秒就可以整起劲好食嘅薄饼好快速。
喺热到不得了嘅天气见到多咗呢个柠檬沙冰，唔使谂即刻整返杯叹吓先。
又酸又香劲解暑嘅柠檬沙冰喺炎炎夏日叹番杯真系爽到不得了。
总厨Gavino Pilo系典型嘅意大利靓仔样，加埋整到咁好食嘅薄饼真系好有魅力。
呢个Boschiva入面有巴马黑毛猪颈肉Coppa、火箭菜、磨菇同埋香草牛至，食落去有好香嘅风干火腿味，加埋甘甘苦苦嘅火箭菜简单但系好味，最重要系薄饼边位烟韧又焦香但中间仲系好软熟，呢个口感喺出面真系比较难食到。
Monaca用咗拿坡里黄番茄秘酱搽喺饼底，上面加咗猪肉肠、阿杰罗拉烟熏水牛芝士同埋罗马羊奶芝士，食落会有啲烟熏嘅味真系好惹味。
如果你同我一样钟意邪恶口味嘅呢个新口味Pizza Nerano就啱晒你！佢嘅配搭系黄番茄酱、腌制的意大利青瓜、意大利鲜乳酪、碎Provolone干酪，仲有好特别嘅风干猪面颊肉。
风干猪面颊肉好鬼肥美充满油香！配咗啲酸嘅配料食落又唔会好漏但，呢个新薄饼我超级钟意希望佢可以继续卖落去。
呢个Vesuviana入面有意大利茴香猪肉肠、西兰花叶、烟熏Agerola水牛芝士、罗马羊奶芝士同埋辣椒碎，有菜有肉仲有芝士味道真系好有层次。
呢个DIVA深得我老婆大人欢心！除咗有黄番茄酱仲有茄子、意大利烧肉、烟熏水牛芝士、罗马羊奶芝士同埋罗勒，呢啲食材全部都系佢最钟意嘅所以佢食咗两件哈哈。
意犹未尽最后仲叫多个DIAVOLA嚟叹！番茄酱上面系拿玻里莎乐美肠，唔系一片片而系一条条！咁样食落去口感又好唔同但系我钟意㖞。
甜品再食呢个Sfogliatella Riccia乳清芝士酥皮馅饼，整得好鬼酥脆仲有好香嘅肉桂味，我就好钟意啦不过老婆大人就嘻嘻。
张贴
