上上籤 (已結業)

喺观塘返左唔短时间既人，应该都知边度系拿督，一向以来最出名既就系星马既美食，其中系表表者一定系佢既黑豉油捞面，不过随住观塘码头熟食中心既清拆，已经成为历史。最近北角新开左间串烧店，午市就以拿督作招徕。据讲就系拿督冰室主理，咁就试下啦。等位等左20分钟左右，都还可以接受。今日叫左佢既咖哩猪软骨，配上黑豉油捞粗面，猪软骨炆得够念身，肉质爽口唔会黐牙，骨胶原丰富，咖哩入味。黑豉油仍保持到当时水准，油香入味，粗面爽口弹牙。不过唔知点解今日食有少焦味咁，希望只系一时失手吧。