新之食 (牛頭角道)

营业中

休息中

离开左旧公司就无再喺观塘食饭，不过甘岩寻日要去观塘，我由前晚已经谂住要食新之食呢间餐厅嘅酸辣汤面坚系令我返工𠮶年日日lunch都帮衬，𠮶种香、麻、辣， 好过瘾， 好令人回味。今日一于同大家介绍下。查实呢度叫面食同谭仔差唔多， 拣面底、汤底再拣𩠌。间餐厅仲有饭食、饺子等等。我叫左个炸猪排鱼腐酸辣(中辣) 手搅面。个汤坚系掂，成碗饮哂。 手搅面同刀削面系新之食嘅招牌面， 一向都不过不失。(恕我直言，我唔太熟面， 食落去弹弹地牙，我都ok) 炸猪排坚正， 脆卜卜， 仲有泰式辣酱贴，甜甜地。 虽然唔太厚，但我个人觉得已经够。个鱼腐都好正。 由腐皮包住鲮鱼肉，面𠮶层都仲脆脆地。 我仲加左新之食嘅自制辣味菜莆。我系好钟意食辣同菜莆， 所以落左好多。 全个lunch食左$40。都ok啦。