影片
更多
2016-02-29
389 浏览
我哋香港有自己嘅港式西餐，日本亦有日式西餐，不过，食日式西餐晌香港好多地方都有，今晚，同朋友就晌The Fingerprint品尝咗一餐好有特色，又好美味嘅日式西餐。从外面望入去，已睇到室内环境富情调，柔柔灯光，暖和嘅木系装修，配以黑白细格地砖，型格得嚟有气氛。虽然地方细细（全场应该22个位左右），但枱櫈嘅安排又唔会太逼狭，感觉蛮舒服 。其实讲话佢喺卖日式西餐，又似喺唔一样，因为有啲地地道道嘅日本菜式，又或西式菜式。不过，部分夹杂两系所长，做出别树一帜嘅风味 。食物种类走贵精不贵多嘅路线，成个餐牌底面两大页，图文并茂分咗前菜、沙律、刺身、主菜、饭、汤及甜品几大类别。另有6道菜嘅晚市套餐，有前菜3点、沙律、主菜、食事、餐汤及甜品，定价以所选嘅主菜计，都只喺180-240 + 10%，非常抵食 。饮品可以额外加钱配送。 前菜3点 是夜嘅前菜喺炸牛蒡条、姜汁煮虾及鸡泡鱼干，以小木盒托出3点，卖相精美。 炸牛蒡条牛蒡条有多方嘅营养，上网摷一摷就知，无谓多讲，而炸牛蒡条做得粉浆够薄，入口一啲都唔油，酥香而有咬口，好食； 姜汁煮虾两只鲜虾紧扣住，放上点点黑鱼籽及金箔，立时贵气加倍
从外面望入去，已睇到室内环境富情调，柔柔灯光，暖和嘅木系装修，配以黑白细格地砖，型格得嚟有气氛。虽然地方细细（全场应该22个位左右），但枱櫈嘅安排又唔会太逼狭，感觉蛮舒服 。
其实讲话佢喺卖日式西餐，又似喺唔一样，因为有啲地地道道嘅日本菜式，又或西式菜式。不过，部分夹杂两系所长，做出别树一帜嘅风味 。
食物种类走贵精不贵多嘅路线，成个餐牌底面两大页，图文并茂分咗前菜、沙律、刺身、主菜、饭、汤及甜品几大类别。另有6道菜嘅晚市套餐，有前菜3点、沙律、主菜、食事、餐汤及甜品，定价以所选嘅主菜计，都只喺180-240 + 10%，非常抵食 。饮品可以额外加钱配送。
前菜3点 是夜嘅前菜喺炸牛蒡条、姜汁煮虾及鸡泡鱼干，以小木盒托出3点，卖相精美。
前菜3点
8 浏览
1 赞好
0 留言
牛蒡条有多方嘅营养，上网摷一摷就知，无谓多讲，而炸牛蒡条做得粉浆够薄，入口一啲都唔油，酥香而有咬口，好食；
姜汁煮虾两只鲜虾紧扣住，放上点点黑鱼籽及金箔，立时贵气加倍，而鲜虾清爽，渗出淡淡姜味，个人觉得恰到好处，太浓就可能抢咗虾鲜味；
鸡泡鱼干晌啲居酒屋常见嘅小食，咬落咸咸香香，口感柔韧，烧到唔会好干身，虽然只喺沾一般嘅沙律酱，但洒少少七味粉，感觉都变得唔同啲。
蟹肉沙律芝麻汁 依道蟹肉沙律我同朋友都超赞，沙律菜（更加入珍珠笋、蜜糖豆……）新鲜爽脆，芝麻汁充满芝麻香，依啲做得好都喺基本。赞就喺鲜拆嘅蟹肉，够晒鲜甜，其次，面头粒车厘茄淋上少少焦糖，真喺一绝，入口有一层层脆口，焦糖跟茄味又夹到 。细节位唔止喺咁，载沙律个碗摸上手喺冰凉，喺明显雪过嚟先用。
蟹肉沙律芝麻汁
7 浏览
1 赞好
0 留言
套餐内嘅主菜其实都喺晌主餐牌中嘅主菜里轮流推出，不过，问过店员，两者份量其实唔一样，好似小弟所试嘅法国春鸡，主餐牌标$168一客，喺有全只，而晚餐包埋其他咁多嘢先$180，皆因喺半只份量，但查实作为晚餐嘅一部份已好够食。其他主菜选择仲有澳洲和牛、纽西兰羊架、柚子胡椒牛油大虾……等等。
柚子胡椒虎虾 $180 虎虾卖相似喺铁板烧嘅做法，既去壳，又起肉，仲分成一小口一小一件，非便食用；而一上枱，胡椒香气四溢，入口却又嗒到柚子嘅甜味，两者平衡唔会互相抢味，再者，虾肉爽口弹牙，唧少少柠汁，更能够吊起虾肉鲜味尽出，实在叫人再三回味 。配菜仲有冬菇、鸡脾菇及翠玉瓜，都喺煎得香口好食。
柚子胡椒虎虾
$180
8 浏览
1 赞好
0 留言
大大只虎虾头，咪睇佢得个样，内里仲有少少肉，兼且有点点虾膏，食得真喺唔好嘥！
麦粒味噌烧法国春鸡 $180 咪睇佢烤到㶶㶶哋样样衰衰，其实𠮶啲喺味噌而已，感觉还似喺加咗少少姜蓉。鸡皮烤得非常香脆，而鸡肉嫩滑到不得了，鲜嫩且富肉汁，皮下脂肪又唔多，每口又带味噌嘅味道，认真好食 。同样，配菜简简单单伴上冬菇、鸡脾菇及翠玉瓜。
麦粒味噌烧法国春鸡
$180
2 浏览
1 赞好
0 留言
葱吞拿鱼碎寿司饭 食事会有乌冬、意粉或寿司饭……等等选择，先嚟一客葱吞拿鱼碎寿司饭，因为之前又前菜、沙律、主菜，所以，个食事份量唔会好大，同样做得精致。虽然啲吞拿鱼刴得细碎，但依然油润鲜香，珍珠米亦都黏糯有饭味，伴上渍腌萝卜、姜片，好易三扒两拨就清晒 ！
葱吞拿鱼碎寿司饭
10 浏览
1 赞好
0 留言
睇落好似无咩特别，其实嚿饭搓成嚿饭团咁，不过，打平放先唔觉，咖喱牛肉好香，浓郁嘅咖喱味带点点甜，咖喱牛肉内又混有少少薯仔粒，认真不俗。
甘笋忌廉汤 之前曾参阅过其他人嘅食评，见一道甚具和风嘅海鲜土瓶汤好吸引，可惜，今次嘅汤品喺西式嘅甘笋忌廉汤，个汤嘅质感较杰身，睇得出用足甘笋，所以味道浓郁，但有欠幼滑度。
红豆汤年糕、马卡龙 甜品嘅卖相好精致，以日本陶瓷碟盛上，先试年糕，红豆好清甜，不过唔知喺咪配合啲马卡龙，所以，无做成「汤」，而以小匙羹盛载，份外的骰，但喺年糕经煎过，外皮稍韧，入口亦黏牙，令道甜品有点美中不足。 但马卡龙甚有水准，小弟嘅喺柠檬（淡黄）及开心果（翠绿），友人嘅喺红桑莓（粉红）及云呢嗱（浅啡）；入口无想像中过甜，外层带脆，内层烟韧，味道突出。
小店好多时唔单止卖美食，仲有就喺贴心嘅服务，整晚6道菜，都喺等我哋食完一道，收拾好，再隔一小段时间上另一道菜，成个用餐时间大概个半小时，唔会太急，亦唔会等得太耐，令人感觉好流畅 。此外，每一道菜都喺同时上枱，唔会前后脚咁，让大家都可以同一时间享用美食，所以，都喺服务上嘅加分位，再者，添水，收拾，各项服务都让人感受到店员嘅殷勤，抵赞，值得再嚟留下「手指纹」 ！
张贴
