麵家山下 (已搬遷) 新店位置

最衰刚行过家品店睇左一两分钟野，有姐仔行我前面快我一秒霸左两个位，搞到我要坐门口，劲无奈、劲伤心。店内只有四个较舒适既高櫈位，门外就开左三张折枱，环境较恶劣，似街市后巷。青汁，完全唔知系咩黎，好奇下第一次试，有点奶油味，完全唔甜，听到有食客讲系菜汁黎，感觉几健康、高纤。炸生蚝，上次试左炸虾同饺子，今次专登试试炸蚝。不太喜欢类似吉烈既煮法，好厚粉啊 ﹗天妇罗正好多，酥炸都正。咬落有蚝汁，肉质够嫩，但炸得唔够松化，面包糠好厚，面包味浓，剥左层皮好食好多。特盛拉面配黑蒜油走葱走芽菜，挑战大胃皇 ﹗叉烧特多、拉面又特别多，我当然要食硬面啦。上次已经想试下到底份量有几大架喇，约十分钟送到。当然先试几口汤先啦，特浓猪骨味配上香浓黑蒜油非常冶味，面质似乎腍左少少呢，发现有几条芽菜，系咪因为忘记走芽菜，之后要慢慢夹返出黎，所以碗面浸到腍左啊？薄薄既叉烧，口感同味道都不过不失。日式叉烧还是肥一点、滑一点更好 ﹗从各方面睇，今晚碗黑蒜油面比上次碗辛辣粉面都逊色好多，上次碗面真系好好好味架 ﹗味附蛋两大只，半熟流心非常吸引，少许酱油香味，但今晚蛋黄味偏淡㖞。今晚系第二次帮衬，难免经常跟第一次比较呢 ﹗依个特