影片
更多
2018-10-28
1227 浏览
元朗出名车仔面有好几档，今日再食大桥合兴，其实佢已经开咗分店，证明生意真系唔错👍👍平日晏昼都有唔少人等外卖，黎过两次啲出名既𩠌都系无晒🙄 今日11点几到，唔驶等😀 舖头位置唔多，10零个，简洁白色布置，开放式吧枱，面香一入舖就闻到，亦摊左个肚皮比你睇啲𩠌同面点煮，无黑箱作业🤗坐低开始思考人生难题：叫乜𩠌好🧐 望住张宣质点𩠌纸，有啲冲动系咁剔😚最后叫左五个𩠌，重点，微辣，微辣，微辣，提示各位观众个辣度唔系人咁品，宁愿后加好过起手一黎爆厂辣🌶️🌶️上枱前已经嗌定coke zero，唔知点解老板放低咗一兜辣酱，叫我可以加啲，到底系我生得似食辣，定佢好唔钟意我🤔🤔 个兜辣酱就算放一半，应该都会食到成身汗😂😂牛坑腩系今餐重点，平时车仔面牛腩系又松又散，似足煲汤肉，但合兴既牛坑腩系结实既筋肉分明，咬落去系爽😍 似啲一口牛柳质地，仲要入味㖞。另一个highlight 系大肠，洗得干净又好味，牛筋丸，鱼皮饺，鱼片头都无欺场，无话车仔面系下价货就求求其👏👏最后，脷伸一下，元朗美食真心多，水远山长车奔波，长程入黎车仔面，劝君想想咪坎坷。惊观众山长水远入黎，成本过大，以为食既系天龙楼，点知只系街坊嘢😂😂
平日晏昼都有唔少人等外卖，黎过两次啲出名既𩠌都系无晒🙄 今日11点几到，唔驶等😀 舖头位置唔多，10零个，简洁白色布置，开放式吧枱，面香一入舖就闻到，亦摊左个肚皮比你睇啲𩠌同面点煮，无黑箱作业🤗
坐低开始思考人生难题：叫乜𩠌好🧐 望住张宣质点𩠌纸，有啲冲动系咁剔😚
最后叫左五个𩠌，重点，微辣，微辣，微辣，提示各位观众个辣度唔系人咁品，宁愿后加好过起手一黎爆厂辣🌶️🌶️
上枱前已经嗌定coke zero，唔知点解老板放低咗一兜辣酱，叫我可以加啲，到底系我生得似食辣，定佢好唔钟意我🤔🤔 个兜辣酱就算放一半，应该都会食到成身汗😂😂
牛坑腩系今餐重点，平时车仔面牛腩系又松又散，似足煲汤肉，但合兴既牛坑腩系结实既筋肉分明，咬落去系爽😍 似啲一口牛柳质地，仲要入味㖞。另一个highlight 系大肠，洗得干净又好味，牛筋丸，鱼皮饺，鱼片头都无欺场，无话车仔面系下价货就求求其👏👏
最后，脷伸一下，元朗美食真心多，水远山长车奔波，长程入黎车仔面，劝君想想咪坎坷。惊观众山长水远入黎，成本过大，以为食既系天龙楼，点知只系街坊嘢😂😂
牛坑腩
27 浏览
0 赞好
0 留言
张贴
