麻辣派對 (金百利廣場) (已結業)

朋友约食晚饭，佢话食麻辣派对。吓，辣⋯我0k，但麻⋯我就吾多掂。话说有一次公干，大陆同事请我食水煑鱼，食果阵就冇事，果晚就生晒飞滋，同出吾到声。今次有D惊惊地⋯麻辣。不过朋友话呢间餐厅好正，唯有舍命陪君子喇😱 餐厅嘅装修好新派都西式，真系有啲梦幻party feel. 你绝对估吾到佢喺食正宗四川菜。 餐厅经理热情又细心为我地介绍，知道我地麻辣情度有限，建议先由BB 辣䦎始，然后再试小辣，适应后可逐级挑战麻辣程度。真贴心。先叫了 BB 班 凉伴黑本耳。爽口，少许麻味 岩晒。再上麻婆豆腐，呢个菜，经理就建议可试小辣，又〇K㖞。好惹味，配饭一流。不过今次我地配面食。个面好正，五香牛腩好入味，切成小粒，入口容易，吾会太靱。今餐主角喺避风塘炒辣蟹，用面包蟹煮，有好多膏(哈哈，挂住食唔记得影D膏添😓)意犹未尽，再order咗个辣子海虾。个卖相好劲辣，吾好比个吓亲，唔辣，非常惹味。👍叹埋杯蜜语水果茶，有不同水果，好解渴。今餐麻辣餐，将之前惨痛麻辣经验，一扫而空。下次要挑战下一级麻辣，睇下升吾升到呢先。