WM Café & Bar (科學園) (已搬遷) 新店位置

来到科学园去揾个朋友，到食午餐嘅时候想聚一聚，第一个想法就系呢度呢间餐厅。呢间餐厅系一入门口转左就望到，揾餐厅时绝对唔会觉得有任何困难，非常方便。而食物嘅选择种类非常之多，面啦饭啦，即使系薄饼都一应俱全。嘢饮方面，除咗有特色嘅咖啡之外，仲有各种花茶。咁餐厅嘅点餐方法系自己到柜台去买，餐厅服务员，就会畀个牌仔你，送你一个送餐服务，非常体贴！咁我就选择咗一个夏威夷pizza，面头有两块大大嘅烟三文鱼，重有劲多黏黏嘅芝士，同埋几旧甜甜酸酸嘅菠萝。成个pizza食落口，简直个配搭系完美，非常好食。而前菜我就自己点左一个烟三文鱼沙律， 沙律嘅定中心就系有三块大大嘅三文鱼卷埋咗一齐，而菜嘅新鲜度同埋干净度都非常之好同高，作为前菜我感觉到非常之fresh。啲嘢饮方面我就嗌咗一杯特色咖啡mocha， 一杯朱古力咖啡唔会话特别之甜，朱古力同咖哩比例大概占一半一半，口感非常之佳。甜品就叫咗一个朱古力蛋糕， 同样都系朱古力，同样唔会非常之甜，甜品食落去亦都唔会腻，啱晒作为一个完美嘅结尾。