美而廉餐廳 (已結業)

睇报纸知道佢哋执笠 立刻过嚟试吓这里的铁板餐 人就系咁 我途经过这里好几次 但都冇谂过入嚟食 往往系要失去先识去珍惜 这个时代很多老舖都要面临清拆 又地产商又"Lings" 好多好食又有特色都敌不过贵租 令人婉惜 说回今晚 我六点半嚟到已经有十多人喺出面等 于是喺龙尾等 不久 我行过入去问是否要后面等 个柜面话撘枱即刻有位 咁我当然即刻入去啦 排紧队o既人以为我哋打尖 我哋真系唔系打尖 令你们误会不好意思 入到去地方几怀旧 等咗十分钟都未有人嚟执枱 想点菜又俾个伙记话: 等吓啦 唔等得就出番去 之后个柜面同我哋解释 佢个人比较暴燥 希望我哋唔好介意 我觉得冇乜所谓 我喺大埔街市钦记「训练」过 lee D算得系咩吖 我哋嗌咗猪扒餐配蟹蚶黑椒汁 同七成熟牛柳配洋葱汁 先嚟罗未汤 d味极浓 唔似一般蕃茄水 之后个蒜茸多士都唔错 又够厚 个牛柳好大块 七成熟亦啱啱好 又有大量薯条喺底 而我个餐有两大块猪扒 好抵食 可惜个蟹蚶系冻o既 以七十几蚊个餐嚟讲可谓无懈可击 起码明码实价 唔会图片只供参考先啦 如果可以的话我会再来一次