MOO MOO

营业中

休息中

Moo Moo位置唔多显眼，但观塘友无可能唔识距，没有华丽装潢但以实力吸引不少die hard粉丝。餐厅唔只burger 选择，热狗、小食、沙律样样齐，梗有一款帮到你。 咸蛋黄鸡堡 $69鸡扒肉质幼嫩一啲都唔干，夹住厚厚蕃茄片同生菜，爽口又juicy ，唯咸蛋黄味道未算突出，如果多啲沙律酱同咸蛋黄酱就perfect池。 肉汁芝士薯条配汽水 +$29幼身薯条上淋上半溶芝士及肉汁，食落湿润热气感大减，唔洗另点茄汁都够晒味。 士多啤梨奶昔（12oz） +$24想试奶昔好耐，豪一次跟餐升级，士多啤梨味超级浓，质地较稀够顺喉，饮到有啲唔够喉。 水牛城辣鸡槌（3只） $45水牛城甜酸辣辣没有难食的理由，鸡槌啖啖肉，作为小食也不错。 炸鱿鱼酥 $68热辣辣炸起，囗感烟韧弹牙，鱿鱼酥本身已调味，但沾埋沙律酱又好配㖞，值得一试。