船仔 (京瑞廣場) (已結業)

今天放工后打算去沙田捐血，首先要食啲嘢。早前见某饮食杂志介绍过呢间食肆，而openrice啲评语好坏参半，一于先去石门试下。好多人帮衬，要等位；顾客多为附近返工人士。铺面不大，座位数目约50个，坐得非常迫。𩠌菜同面底选择唔多。眼见无乜顾客饮《佛系龙眼冰》，我都唔试呢个特饮喇。我拣咗泰式牛丸金边粉。金边粉上面有啲辣猪皮粒，好好食㖞，有惊喜。汤底有啲重口味，我个人就唔太喜好。如果喺附近返工嚟呢度食晏都系一个唔错选择。