川味坊 (中海日升中心) (已結業)

以前观塘返工成日食呢间米线店，转左返工地点之后一直都心心念念佢地既米线。难得甘岩黎到附近，梗系要带朋友一齐去食啦！今次叫左一个有汤既一个系捞既，分别系麻辣大辣猪扒萝卜米线同埋炸鱼饼捞米线，两种食法两种感觉。而且价钱又唔算贵，40几蚊已经包埋野饮，拣可乐仲要唔使加钱。麻辣大辣猪扒萝卜米线碗米线份量足，米线偏腍身，汤底鲜甜，虽然叫左麻辣大辣但唔系超级辣个种，带香带麻。无记错猪扒好似都系佢地招牌，腌得好入味，唔会好谐好靭。仲叫左萝卜，够入味又甜。炸鱼饼捞米线出面好少见有捞米线，夏天热辣辣食捞米线最开胃。本身捞米会有几款配菜，包括：酸菜、花生、葱、芫荽等等，捞埋佢个汁超夹！岩岩上菜个下，块鱼饼仲新鲜滚热辣岩岩炸出黎，劲香又脆口，建议尽快食！冻左会有少少腥味值得一提既系米线入面个啲花生，一入口就知好好食啊！好脆好脆好脆！完全唔系个啲放左劲耐又有油益味。