雲桂香米線專門店 (已結業)

身边有个米线精朋友，三日唔埋两日都会话好想食米线，今晚约咗佢，以为又系食佢最爱嘅三哥，点知，佢今日同我试新野！(对我黎讲系新野，佢其实已经食过好多次！😂😂) 好神秘嘅地方，竟然系要落地库！装修成间西餐厅咁，完全唔似系食米线嘅地方。选择比三哥多d，而且有我最钟意嘅捞米线！正！同朋友叫咗小锅米线，而我当然叫捞米线啦！好快就有得食，朋友比咗佢d腩肉我，好辣😩，但系好好味，忍唔住要偷多块食😂。捞米线个汤汁好香不过略嫌少咗d，而且走辣嘅话会无咗肉碎🤦🏿‍♂️，不过，其实整体都好味，𩠌嘅份量都多，唔会食到最后净返米线无晒𩠌。总括，如果食厌咗或唔想食三哥，呢间真系一个几好嘅选择！