影片
更多
2020-06-14
3300 浏览
老婆返学，是夜得一支公，因为过开嚟尖沙咀换礼品，所以，就顺道食埋饭先返归。由于老婆饮食偏素，既然得一个人就唔使咁多顾虑，自不然拣啲多肉嘅菜式。经过厚福街，睇到呢间「福冈汉堡扒 」几人气咁，就投佢一票，入去试试。睇个名，以为喺日本餐厅，再睇到墙上嘅韩文，加上有啲韩式泡菜供应，就更肯定佢喺韩国餐厅。铺内环境四正，一眼望晒，主要喺4张长形大餐枱，最特别喺每个位都安装咗小型抽气管，唔会食到一头烟。再睇睇餐牌，主打喺韩式石烧汉堡扒，共有6款唔同配搭嘅选择，最好喺分埋大中细份量，够弹性。此外，仲有啲丼饭、拌饭、沙律及二人套餐供选择，整体定价亦算亲民。而点餐都喺以剔纸仔形式，可以减少口头落单嘅出错。小弟拣咗「菠萝烟肉和牛汉堡扒」，谂住喺较清新嘅配搭，而每一款和牛汉堡扒餐都包咗白饭、面豉汤、配菜及沙律。通常店员都会问你喺咪第一次，如果喺嘅话，佢都会稍稍讲解点玩法，听唔晒或听唔切唔紧要，因为餐垫纸都印咗烧啲汉堡扒嘅方法。虽然嚿火石好热吓，不过，基本上要烧完晒一整嚿汉堡牛肉球，都要换一次火石，同店员讲声，佢就会帮你换。正所谓工欲善其事，必先利其器，所以，除了韩式嘅铁筷子及匙羹外，仲有个小铲，用嚟压平及铲起
睇个名，以为喺日本餐厅，再睇到墙上嘅韩文，加上有啲韩式泡菜供应，就更肯定佢喺韩国餐厅。铺内环境四正，一眼望晒，主要喺4张长形大餐枱，最特别喺每个位都安装咗小型抽气管，唔会食到一头烟。
再睇睇餐牌，主打喺韩式石烧汉堡扒，共有6款唔同配搭嘅选择，最好喺分埋大中细份量，够弹性。此外，仲有啲丼饭、拌饭、沙律及二人套餐供选择，整体定价亦算亲民。
而点餐都喺以剔纸仔形式，可以减少口头落单嘅出错。小弟拣咗「菠萝烟肉和牛汉堡扒」，谂住喺较清新嘅配搭，而每一款和牛汉堡扒餐都包咗白饭、面豉汤、配菜及沙律。
通常店员都会问你喺咪第一次，如果喺嘅话，佢都会稍稍讲解点玩法，听唔晒或听唔切唔紧要，因为餐垫纸都印咗烧啲汉堡扒嘅方法。
虽然嚿火石好热吓，不过，基本上要烧完晒一整嚿汉堡牛肉球，都要换一次火石，同店员讲声，佢就会帮你换。
正所谓工欲善其事，必先利其器，所以，除了韩式嘅铁筷子及匙羹外，仲有个小铲，用嚟压平及铲起件汉堡扒。
此外，唔喺夸张，当汉堡牛肉摆落嚿火石，真喺比起铁板烧𠮶阵火力更强，咋咋声四晌，油花四浅，担心浅到身上，餐厅好贴心，提供一次性嘅纸围裙供客人使用。
百香果特饮 $39食呢类烧烤嘢，配汽水本来就喺一绝，不过，见到「百香果」，就更提起兴趣。估唔到喺咁鬼大杯架，店只更温提搅匀先好饮。虽然都知道喺用上百香果糖浆，但加上柠檬，所以，饮落冰凉清爽，一口汉堡牛，一口特饮，宁舍「梳肝」。
百香果特饮
$39
38 浏览
1 赞好
0 留言
先介绍吓佢哋汉堡扒嘅卖点，唔喺小弟老作，纯粹张餐垫纸有介绍，而佢哋嘅和牛喺用上澳洲货，但属于咩级别，我就无刻意去问，但当你试过，就知唔差得去边。
之前都提过有埋白饭、面豉汤、配菜及沙律，配菜喺韩式泡菜，食落唔算好辣好辣，啱我；面豉汤属较清嘅口味，而沙律喺椰菜丝配胡麻酱，呢两样就较日本风味㖞。咪睇小碗白饭，好软熟，又有饭香。
卒之轮到介绍今餐嘅主角「和牛汉堡」，中份量标明有160g重，总之，搓成一大大嚿牛肉球，非常有睇头，再配埋啲烟肉、菠萝、鸡蛋及芝士，叫人急不及待要试试。
自己牛肉自己煎，将啲牛肉一放到火石即时冒烟，又咋咋声，好有气势，用小铲压平，煎透两面。虽然，店方建议煎3秒，但小弟就再多数秒，等牛肉更焦香。
啲汉堡牛肉净食，阵阵油香，但又不失肉味，兼且打得松化；其后配烟肉、配鸡蛋，都一样搭配好食，总之就自由发挥。甚至乎，烧烧菠萝跟蛋片，亦有唔同风味，好玩又好食。
曾经有段时间兴过石烧牛扒，就算依家都仲见有少少餐厅有做，今次嘅石烧以汉堡扒为主角，又别有一番滋味，以质素而言，定价都算亲民，值得一试。
张贴
