CoCo壹番屋 (新港中心)

营业中

休息中

coco出名咖哩，咁多年都未食过，今日难得经过，又唔使排队，就入去试试门口有大poster, 依家到8月尾，有呢两款限定饭。我都拣咗好耐，最后拣咗鲜磨茹忌廉奄烈饭，因为有钟意既磨菇、又有想食既奄烈。哗！都好大碟下㖞，男人食都够饱！忌廉好香滑，闻到有奶味同浓浓咖哩味。先食一啖饭，咖哩果然无得顶，叫咗小辣，可接受，呢只咖哩小辣、小甜，好香，好味道😋奄烈配磨菇，好食！但蛋无乜蛋味，只系够滑；反而钟意磨菇，磨菇好难唔好食挂😝个饭就好普通既靓仔，应该唔系珍珠米，有d硬，捞咗咖哩汁就掩盖咗它既缺点。整体而言，最正系咖哩汁，好出色。