甘甘好蔗 (已搬遷) 新店位置

旺角有好多饮品店，竟然有间专卖蔗汁嘅新式饮品铺，系登打士街同花园街交界。依头仲有好多小食铺，扫街一流。  饮品主要分为水果类蔗汁同埋咖啡类蔗汁。蔗汁沟水果平时可能会饮过，不过居然可以用黎冲咖啡，听落好新奇。 蔗打柠檬，系蔗汁加青柠，饮落去青柠会比蔗汁味更加重，口感清凉，非常消暑，蔗汁更加有清热嘅功用添。 除咗蔗汁仲有少少其他类型嘅饮品，依杯斑兰椰奶一拎上手就见到绿绿白白嘅条纹，好梦幻。椰奶用咗生椰乳，香滑浓厚，而且椰奶仲健康啲添，而斑兰味非常重，估唔到斑兰同椰奶嘅饮品都可以咁夹。 店铺最近做紧抽奖，有机会可以免费送多一杯~~~  除咗饮品，店面嘅设计都几搞鬼架，影咗几张相俾大家欣赏下，最紧要系侧面嘅打卡墙，涂鸦上面有「旺角」、「掂过碌蔗」依啲字句，一定要拎杯野饮黎影靓相。