錦麗 (東薈城名店倉)

营业中

休息中

果日临时要入去逸东商场做嘢，做完嘢兜咗个转，好似冇乜特别嘢想食。咁我出返东荟城先医肚。谂咗阵都几耐冇食过越南嘢。原因系自己去过胡志明市。印象麻麻地。就算肯俾钱去食贵嘅法国餐都唔好食。local嘅嘢就真系冇乜味。又冇乜款式。所以本身对越南菜嘅印象都一般般。俾个colorful嘅餐牌吸引咗。晚餐都系唔好食咁多淀粉质。所以我哋拣咗小食拼盘，牛油果米卷，咖喱牛腩，软壳蟹同埋一个糯米甜品。个小食拼盘真系几好食，有鸡翼有猪扒有春卷，仲有蔗虾。呢个真系不得了。唔系好多地方仲有蔗虾。最出色，系个软壳蟹。佢几十蚊嘅价钱比两只软壳蟹你。都几抵食。咖喱牛腩饭就普通。但系系好食既。牛油果米卷系淡口嘅。原来咁样夹都OK。 有少少后悔太早嗌咗个甜品。摊喺度。影响咗佢个口感。整体嚟讲我觉得呢一餐几个𩠌都几好。约朋友吹水食饭，咁咪都系一个唔错嘅选择。