羲和雅苑

营业中

休息中

今日同男朋友嚟东涌shopping, 拣咗依间中菜餐厅食lunch。见假日都有lunch set $108都几平，而且加$238有半只填鸭, 个组合非常之好。午市套餐多选择，由前菜、时蔬、汤/饮品、甜品都有。前菜选了蜜汁脆芋丝芋丝切到好幼，甜度适中，放耐咗会痴住一齐同凉咗，早d食口味更佳。时蔬有少少娃娃菜卖相好靓嘅半只烤鸭烤鸭分咗三食，分别有鸭胸皮、鸭胸肉、鸭腿肉。店员亦都放咗张小卡介绍食法:1. 鸭胸皮点爆炸糖好特别嘅食法，鸭胸皮本身都好酥同脆，加上爆炸糖喺口腔内爆炸，好刺激！鸭胸皮可以单独食唔洗包薄饼。2. 鸭胸肉点黄芥末都系唔需要包薄饼食。芥末味浓，同鸭肉又几夹。3. 鸭腿肉包薄饼2食第一种系落甜酱嘅普通食法，第二种系点蓝莓酱同山楂条。个人喜欢普通食法多d，第二种食法比较新派，酸酸甜甜咁。午市套餐仲拣咗黑松露虾球伊面、金汤海皇羮、杨枝甘露。欣赏伊面个黑松露味好浓，虾球亦都大大粒。海皇羮入面有少量海鲜最后以一小杯杨枝甘露作结。佢嘅酸甜口味完美平衡，食到有少少芒果同柚子肉。