喜聚坊

营业中

休息中

今日星期六下午路经大角咀，见到呢间食小菜嘅餐厅门口放著午市餐牌，有好多选择不特止，个价钱仲几平。即刻走入去试下喇。内面都系圆枱，啱晒一大班人嚟食饭。可惜暂时未能。原来全部饭餐都送埋汤，今日系冬瓜薏米煲猪尾骨汤，店员声称去湿一流。本来以为会好似茶餐厅例汤咁好咸，但呢个汤竟然绝无味精，清甜又多料，好似妈咪系屋企煲嘅靓汤咁，如果可以饮多碗就好了。秘制手撕鸡饭（$58）- 手撕鸡唔太辣，唔食辣嘅都可以试下，好惹味。配上爽口嘅木耳、青瓜、红萝卜，捞饭食一流 鲍鱼金蒜排骨饭（$68）- 卖相好吸引，系竹筒排骨饭。仲有只鲍鱼系中间添，烟烟韧韧好有嚼劲。排骨又入味，好食！