合時小廚 (裝修中)

Item: 合時小廚
Rating: 5
Author: fffkkk

Hop Sze Restaurant

122 食记

味道

环境

服务

卫生

抵食

26584

西湾河

$101-200

港式中菜馆

fffkkk

等级3

两个月前book左位去呢间位于西湾河嘅隐世私房菜同屋企人食饭。大概早一个星期左右，就打咗电话俾餐厅去留𩠌，预好哂份量。今日嚟到餐厅，环境比较迫夹，分楼上楼下两层，但都唔会话坐得好唔舒服。见到有啲街客谂住Walk in嚟食，全部一律冇位🤣所以想食嘅话真系一定要预早book。不过问过老板，原来食夜晚都要去到下年五月先有位，可见呢间其貌不扬嘅餐厅，其实真系真正嘅隐世高手。餐牌: 简单粗暴用手写🤣别有一番风格，今日就系食咗呢啲𩠌。杏汁菜胆猪肺汤: 一开始黎个招牌嘅猪肺汤润下喉。虽然睇落去啲南北杏打得唔系好细滑，不过饮既时候系几OK的。比较impressive既当然系猪肺。洗到白雪雪超级干净，完全冇苏味。点少少豉油食，正呀~每碗汤大概有三旧左右，非常软糯。菜胆都非常淋。不过饮完碗汤已经有少少饱。所以建议都系慢慢饮🤣assess下自己个食量有几大，预留返个肚之后食嘢。韭菜小银鱼小炒皇: 我第一次见小炒王嘅配菜系多个韭菜🤣真系超夸张。小银鱼炸到超级松脆，而且仲有鱿鱼同虾干。食落去卜卜趣，热辣辣够晒镬气。茶熏鸡: 系炸子鸡同埋豉油鸡之间，拣咗茶熏鸡。原因好简单，因为出边比较少有，同埋喺屋企冇㗎撑的话，

1713 浏览

4 赞好

0 留言

杏汁菜胆猪肺汤: 一开始黎个招牌嘅猪肺汤润下喉。虽然睇落去啲南北杏打得唔系好细滑，不过饮既时候系几OK的。比较impressive既当然系猪肺。洗到白雪雪超级干净，完全冇苏味。点少少豉油食，正呀~每碗汤大概有三旧左右，非常软糯。菜胆都非常淋。不过饮完碗汤已经有少少饱。所以建议都系慢慢饮🤣assess下自己个食量有几大，预留返个肚之后食嘢。

韭菜小银鱼小炒皇: 我第一次见小炒王嘅配菜系多个韭菜🤣真系超夸张。小银鱼炸到超级松脆，而且仲有鱿鱼同虾干。食落去卜卜趣，热辣辣够晒镬气。

茶熏鸡: 系炸子鸡同埋豉油鸡之间，拣咗茶熏鸡。原因好简单，因为出边比较少有，同埋喺屋企冇㗎撑的话，好难整到烟熏嘅𩠌。仲有其实呢度唯独是系茶熏鸡先会有埋鸡肾同鸡肝🤣平时钟意食内脏嘅，顺便试吓嘛~不得不说个熏味做得好出色，有一种好香烟熏嘅味道，又唔会太咸。只鸡唔会太肥，肉质爽嫩。鸡肾鸡肝都唔错，够淋。真系几有特色。

黄金豆腐粒: 呢度𩠌够晒邪恶，但真系炸得好好食😋真系会令人食到唔停口。层炸粉做到有少少厚度得来，又唔会有空气感，系𠮶种会令人想食落肚嘅炸粉。而且咸味系360度沾满每一粒豆腐面，非常均匀。入边嘅豆腐系超级嫩。同层炸粉好似系两个世界咁，形成鲜明嘅对比😂整度𩠌份量超级多，又够大粒。全台人一齐狂啪都冇问题🤣平时屋企人唔钟意食煎炸野，都大赞呢一个豆腐好食👍🏻👍🏻忍唔住要食多几粒

椒盐吊片: 吊片其实就系鱿鱼个身，呢度𩠌同黄金豆腐粒一样咁邪恶，而且一样咁好食😋真系觉得呢度啲炸嘢做得超级出色。两样𩠌好食程度不相上下。只能说小朋友先做选择，大人全部都要！同豆腐一样，炸粉超级平均同贴服咁样沾系鱿鱼上面，炸得非常松脆，而且够晒热。椒盐分布喺每一块鱿鱼上面，非常香口同惹味。

枝竹凉瓜炆龙趸头腩: 食完咁多度好食嘅𩠌，到到呢一味时就觉得有啲失色🤣其实上菜嘅时候都系热辣辣，豆腐枝竹鱼腩其实都够新鲜同好食好食。不过鱼腩稍微有啲骨，所以食嘅时候都要小心。不过以煲仔菜来讲，质素唔错。

千层咕噜肉: 呢一味系特色𩠌，用五花腩片卷埋之后炸成一旧一旧嘅咕噜肉，同平时食开嘅好唔同。加上甜酸酱炒埋一碟，非常香。不过冇谂过嘅系原来五花腩片中间有少少软骨，所以如果系老人家食嘅话就要小心啲咬。分量唔算超多，不过胜在做法非常有特色。

少爷焗猪扒饭: 猪扒饭又系一味招牌菜，不过要六人份起，所以真系要多人先一齐食到。呢个猪扒饭真系无敌，芝士同酱汁都劲多。猪扒好淋，脂肪分布均匀。食嘅时候waiter会帮你分好一碗碗，原来个秘诀系要将啲芝士同酱汁同饭完全捞埋先好食。食落去嘅时候每一啖都系浓浓嘅番茄酱同芝士味，真系超正。食到时最后嘅时候其实真系好饱，不过依然忍唔住要添多碗呢一个猪扒饭。而且分好每一碗饭之后，佢仲会帮你喺上面加一只窿边流心蛋。猪扒饭加埋蛋黄一齐食，真系超正😍😍成餐饭我最钟意呢个猪扒饭。