粉果佬

营业中

休息中

大埔中心附近嘅昌运中心，商场地下呢档粉果佬，由广福邨冬菇亭搬到出市中心，以手工烧卖粉果闻名。深受街坊欢迎，繁忙时段keep住有人龙…超夸张当日都排咗25分钟先买到。粉果人手包到似水饺咁，Size明显比一般嘅大粒，拮起好重身饱满，皮簿晶透，咬起唔会黏埋一嚿，馅料有菜脯、虾米、猪肉等，好丰富！至于烧卖同样系大粒过人，手打鱼肉塞满好足料，有鱼胶质感，点少少辣酱更惹味。但毕竟手工烧卖坊间都常见，相比粉果显得较普通。