影片
更多
2022-05-13
61 浏览
好味指数😋😋😋回头指数 ⭐️⭐️⭐️开心指数🤗🤗🤗 法式布丁面包嘅热潮都兴咗好一阵子，作为善忘嘅香港人，呢个热潮到依家都仲未退，当然好多人都会讲某一间嘅系最好食，但系上网睇，又有好多人讲呢间响朗豪坊隔离嘅面包店都好多人排队，咁啱去开附近就去试下买唔买到啦！ 网上话佢每日下昼3点就出炉，会有人排队，我就大概3:50pm 到，仲可以买到，网友comment 值得一试嘅朱古力味就得返两个，我就买咗一个原味同一个朱古力味试吓。 开出嚟睇下，卖相唔算十分精美，睇得出两个味嘅法包外观都唔太一致，切口亦唔太整齐嘅。因为买嘅时候已经唔热，敲落去个法包度试下质感已经淋淋哋，就用气炸锅焗咗4分钟。 🍴原味法式布丁面包 ($15)法包本身比较薄，只有外皮唔算多面包肉，焗完之后会好香脆，不过缺少咗软包口感嘅部分。布丁好滑，好 creamy，奶味都几香，整体上布丁味道系唔错嘅！ 🍴朱古力味法式布丁面包 ($18)跟住就试埋朱古力味，网友写呢款系唔可以错过嘅，我都几热切期待。不过食过之后，我个人觉得有少少失望嘅，因为个朱古力味系似一排排平价牛奶朱古力嘅味，朱古力味唔香浓，朋友仲笑话好似食紧一大旧美绿咁，其实都几似！😅可
回头指数 ⭐️⭐️⭐️
开心指数🤗🤗🤗
法式布丁面包嘅热潮都兴咗好一阵子，作为善忘嘅香港人，呢个热潮到依家都仲未退，当然好多人都会讲某一间嘅系最好食，但系上网睇，又有好多人讲呢间响朗豪坊隔离嘅面包店都好多人排队，咁啱去开附近就去试下买唔买到啦！
网上话佢每日下昼3点就出炉，会有人排队，我就大概3:50pm 到，仲可以买到，网友comment 值得一试嘅朱古力味就得返两个，我就买咗一个原味同一个朱古力味试吓。
开出嚟睇下，卖相唔算十分精美，睇得出两个味嘅法包外观都唔太一致，切口亦唔太整齐嘅。因为买嘅时候已经唔热，敲落去个法包度试下质感已经淋淋哋，就用气炸锅焗咗4分钟。
🍴原味法式布丁面包 ($15)
法包本身比较薄，只有外皮唔算多面包肉，焗完之后会好香脆，不过缺少咗软包口感嘅部分。布丁好滑，好 creamy，奶味都几香，整体上布丁味道系唔错嘅！
🍴朱古力味法式布丁面包 ($18)
跟住就试埋朱古力味，网友写呢款系唔可以错过嘅，我都几热切期待。不过食过之后，我个人觉得有少少失望嘅，因为个朱古力味系似一排排平价牛奶朱古力嘅味，朱古力味唔香浓，朋友仲笑话好似食紧一大旧美绿咁，其实都几似！😅
可能只系我个人对特浓朱古力或高% 朱古力比较有兴趣嘅关系啦。
如果唔使排队嘅，都可以试吓，如果要排队的话就唔算好值得排啦，因为都几平平无奇。
张贴
