麦先 (已結業)

話說有日小弟落去浣紗街搵黑鬼東剪頭髮、剪完之後喺條街遊蕩之際、5:45碰見一條若有20人的長龍在等一間名為「麥先」的拉麵店開門、咁我都湊個熱鬧先啦，最後等咗大約75分鐘就可以正式入座、叫碗特製醬油拉麵品嚐一下、特製同普通的醬油拉麵，分別是特製多了一片豚肉一碗拉麵有三種不同的叉燒，分別豚肉肩肉及五花腩、湯底奶靈魂之窗、個人認為醬油味濃偏向鹹、麵質普通、3 塊不同的叉燒，雖然各有層次、可惜驚喜欠奉、尤其追加的時候、會食晒冰河鑽石星神拳急凍版本、凍冰冰…… 師傅做事認真、見到我碗糖心蛋外型撕裂馬上換上第二粒、可惜當他在無處理其他訂單的時候也遇上同樣的問題但他未能發覺到、整碗麵，我認為發揮最好的乃是他的味筍、條條長之餘又幼嫩、味道剛好題外話，如果有大胃王的話，這裏是不能加面底、追加叉燒也是看彩數總結： 食完馬上去七仔買一樽蘋果燕麥爆珠乳酪你就知咩事啦、唔使排隊冇所謂，但如果要排咁耐我就覺得有點兒那個