嘉樂冰廳 (新村街)

营业中

休息中

久唔久又想到访嘉乐，虽然假日例牌要排队，抽起条筋想食鸡翼就排下啦。明明即将要晚饭都忍唔到，仲要排左半个钟以上，唔敢话出品好惊艳，但我buy佢大件夹抵食。对面两个女仔叫一份蛋治一杯饮品，都冇眼望望啊大佬上次已经试过蛋治、奄列，另一半是日想食牛腩面先黎的，由于知道食物份量偏大，唔敢抖胆点两碗面，所以点左份西多、鸡翼同炸云吞就收手。即时制作，需时等候。牛腩面 $30比起一般牛腩面约1.5倍份量，牛腩都有六、七件，就唔系切腩，系啲柱候牛腩焖过咁。汤底浓得黎都唔算太咸，面底幼身，食落软，好在唔腍。牛腩大粒，仲俾左啲少少牛筋，口感唔韧，腍身入味。以30蚊黎讲，真系抵食啰酥炸鲜虾云吞 $36分鲜虾同韭菜馅，可以半半混合。云吞细细粒，即炸，皮薄硬脆，油份点都有啲。里面有明显虾肉，新鲜，一口size我最钟意西多士 $21连个西多都好似特别巨型？卖相好似几好食，煎得几靓仔冇㶶边，可惜味道一般。里面百无，单靠蛋浆煎起，蛋浆冇味，加上面包厚身，唔能够完全吸收蛋浆。西多士口感太厚，尽管狂倒糖浆、搽匀牛油都仲系好干，根本系食紧面包豉油王鸡翼 $36恭候鸡翼多时，酸辣酱对我黎讲系多余。鸡翼肥大，啱啱好熟，亦都好滑。