多利蘿瑪排骨之家 (已結業)

有朋友系上海回港发展，于是寻晚同佢食饭洗尘。突然好想食BBQ排骨，所以马上谂起依间号称排骨之家既餐厅。排骨我拣左带甜既Carolina Honey，伴菜就要朋友钟意既焗豆；Side Dish朋友极力推介佢地既Onion Loaf，另外再叫左个凯撒沙律，当然少不了无限添饮既汽水柠茶。是夜本虫胃口极好，相反朋友既食量就细得惊人，枱 上八成既食物都系由我清理。个Rib同沙律都保持到一贯水准，而个洋葱圈真系好惹味，虽然只系叫左半份，但份量都依然好大，不过依个菜一定要趁热食先好味，点埋伴随既千岛酱口感实在美妙。食通天十二楼原本既主题系礇 集各地中菜，但如今已经面目全非，不过Tony Roma's 既装修都带左中国色彩，同佢地既美式食品实在系有d 唔搭调。至于价钱虽然系略高，但以佢地既特大份量都算系物有所值。