影片
更多
2024-06-20
1150 浏览
好挂住台北呀，暂时未有时间快闪去台北，就决定嚟呢度食下台北美食，顶下瘾先！🛎 $68 招牌鲁肉饭台北美食首选一定系鲁肉饭，五花肉肥瘦比例啱啱好，唔会觉得太油，捞埋酱汁同饭一齐食，真系超级满足，不知不觉就食晒成碗啦！🥹🥹🥹🛎 $138 担担牛肉面用平时煮担担面的浓汤底嚟煮牛肉面，令到呢碗牛肉面嘅味道提升咗一个层次，花生味好浓，而且个汤好creamy🍜餐厅完全唔吝啬，牛肉有好多块，而且又大块又腍，吸收埋汤底轻微嘅辣味，非常惹味，带出牛肉嘅牛脂香💯👍🏻🛎 $48 手工凤梨酥麻薯蛋挞呢个唔系一般嘅凤梨酥🍍，佢除咗有凤梨酥酥皮嘅松脆，同埋凤梨馅嘅古早甜味之外，上面仲有香滑嘅蛋挞，仲有软糯口感嘅麻薯😋平时最钟意食饼皮蛋挞嘅我，冇谂过可以夹埋凤梨酥同麻薯一啖食匀晒，系一个非常精致嘅挞，手工嘢真系冇得输呀！！！😝🛎 $98 铁观音法式炖蛋普通嘅法式炖蛋就食得多，今次见到有铁观音味道咁特别，忍唔住嗌嚟试下🤤食落去炖蛋好香好滑，唔会畀铁观音盖过啲蛋香味，夹埋面头烧得啱啱好嘅焦糖，食落啲铁观音味慢慢喺口腔渗出嚟，中和咗法式炖蛋嘅甜腻，真系最佳配搭！✨🛎 $55 宇治抹茶牛乳新鲜嘅牛奶口感非常香滑🥛，配上抹茶
好挂住台北呀，暂时未有时间快闪去台北，就决定嚟呢度食下台北美食，顶下瘾先！
🛎 $68 招牌鲁肉饭
台北美食首选一定系鲁肉饭，五花肉肥瘦比例啱啱好，唔会觉得太油，捞埋酱汁同饭一齐食，真系超级满足，不知不觉就食晒成碗啦！🥹🥹🥹
🛎 $138 担担牛肉面用平时煮担担面的浓汤底嚟煮牛肉面，令到呢碗牛肉面嘅味道提升咗一个层次，花生味好浓，而且个汤好creamy🍜
餐厅完全唔吝啬，牛肉有好多块，而且又大块又腍，吸收埋汤底轻微嘅辣味，非常惹味，带出牛肉嘅牛脂香💯👍🏻
🛎 $48 手工凤梨酥麻薯蛋挞
呢个唔系一般嘅凤梨酥🍍，佢除咗有凤梨酥酥皮嘅松脆，同埋凤梨馅嘅古早甜味之外，上面仲有香滑嘅蛋挞，仲有软糯口感嘅麻薯😋
平时最钟意食饼皮蛋挞嘅我，冇谂过可以夹埋凤梨酥同麻薯一啖食匀晒，系一个非常精致嘅挞，手工嘢真系冇得输呀！！！😝
🛎 $98 铁观音法式炖蛋
普通嘅法式炖蛋就食得多，今次见到有铁观音味道咁特别，忍唔住嗌嚟试下🤤
食落去炖蛋好香好滑，唔会畀铁观音盖过啲蛋香味，夹埋面头烧得啱啱好嘅焦糖，食落啲铁观音味慢慢喺口腔渗出嚟，中和咗法式炖蛋嘅甜腻，真系最佳配搭！✨
🛎 $55 宇治抹茶牛乳
新鲜嘅牛奶口感非常香滑🥛，配上抹茶粉，抹茶味够浓，甜度啱啱好，每一啖都充满浓郁嘅牛奶味同埋茶香。🍵
张贴
